web counter
LEXO PA REKLAMA!

SHKARKO APP

App Store
Google Play

"Prisni Nesti Angonin e dytë tani, i pari ishte lule"/ Paralajmëron Berisha

30 Tetor 2025, 20:18, Politikë CNA

"Prisni Nesti Angonin e dytë tani, i pari ishte lule"/

Kryetari i Partisë Demokratike, Sali Berisha në seancën e sotme plenare është ndalur te kërkesa e grupit të tij parlamentar në lidhje me Charles McGonigal.

Berisha deklaroi se Rama është në një vorbull që s’do të dalë kurrë në lidhje me këtë çështje.

Më tej, Berisha ka paralajmëruar një Nesti Angoni të dytë, për të cilin kryedemokrati tha se do të jetë më keq se ai i pari.

 

“Grupi Parlamentar i PD ka kërkuar komisionin hetimor për këtë skandal ndërkombëtar për Charles McGonigal ku janë përfshirë edhe kryeministri Edi Rama, ministra dhe prokurorë e që dimensionet nuk dihen.

McGonigal u bë një me Edi Ramën duke i hequr licencat kompanisë ruse për t’ia dhënë një tjetër kompanie ruse. U përfshi në procesin e vetingut, ka të dhëna që janë përfshirë vetorë si Bungo e stërbungo, u vendosën gjoba ndaj biznesmenëve shqiptarë.

Rama duhej të merrte ndëshkimin më të madh, por rri sikur nuk ka bërë asgjë. Ramën po e heton drejtësia amerikane. Në këtë vorbull është kryetari juaj dhe s’do dalë kurrë.

Ramën dy gjëra do ta ndjekin:

Djegësi i Tiranës, e di si ka thënë prokurori kur e pyetën pse nuk heton Veliajn? Sepse duhet të hetoja Edi Ramën. Prisni Nesti Angonin e dytë tani, Nesti Angon i parë ishte lule. Nuk shpëtoni dot nga këto.

Njeriun që duhet të shpëtonte vendin e tij nga korrupsioni, korruptohet nga një vend i vogël si Shqipëria. Ky është makth makbethian.

Do bësh gabim të madh historik po të bllokosh ngritjen e komisionit, për të hetuar kryeministrin i cili përdori agjentin e kundërzbulimit për të sulmuar opozitën.

Nesër e rregulluat se latë dy gjyqe brenda një dite që t’i bënin zhurmë njëra-tjetrës”, deklaroi Berisha./CNA





Lajmet e fundit nga