web counter
LEXO PA REKLAMA!

SHKARKO APP

App Store
Google Play

E fundit!

x

“Po ndjekim nga afër zhvillimet e hetimit”/ BE reagon për arrestimin e Veliajt

12 Shkurt 2025, 17:12, Politikë CNA

“Po ndjekim nga afër zhvillimet e hetimit”/ BE reagon për

Bashkimi Evropian ka reaguar sot lidhur me arrestimin e kryebashkiakut të Tiranës, Erion Veliajt. Sipas këtij reagimi, BE po ndjek nga afër zhvillimet e fundit në lidhje me hetimin e Erion Veliajt.

BE-ja thekson se mbetet e përkushtuar maksimalisht për të mbështetur përpjekjet e Shqipërisë në ndjekjen e reformave të drejtësisë.

“Po ndjekim nga afër zhvillimet e fundit në lidhje me hetimin ndaj Kryetarit të Bashkisë së Tiranës. Megjithatë, BE-ja nuk komenton mbi procedurat gjyqësore në vazhdim.
Reforma në sektorin e drejtësisë dhe forcimi i shtetit të së drejtës në Shqipëri janë elementë kyç në procesin e anëtarësimit në Bashkimin Evropian.

BE-ja mbetet e përkushtuar maksimalisht për të mbështetur përpjekjet e Shqipërisë në ndjekjen e këtyre reformave dhe për ta ndihmuar vendin të konsolidojë efikasitetin, pavarësinë, llogaridhënien dhe profesionalizmin e institucioneve të saj, si dhe përputhshmërinë e tyre me standardet e BE-së, si në sektorin e zbatimit të ligjit ashtu edhe në atë të drejtësisë.

Roli specifik i Strukturës së Posaçme kundër Korrupsionit dhe Krimit të Organizuar (SPAK) dhe pavarësia e saj në hetimin, ndjekjen penale dhe gjykimin e rasteve komplekse të korrupsionit, pa asnjë përpjekje për ndërhyrje politike apo presion të padrejtë, janë me rëndësi thelbësore për konsolidimin e shtetit të së drejtës në Shqipëri”, - thuhet në reagimin e Bashkimit Evropian./CNA

 

 





Lajmet e fundit nga