web counter
LEXO PA REKLAMA!

SHKARKO APP

App Store
Google Play

E fundit!

x

Përmbytjet në Pogradec e Maliq/ Ministri Salla, takim me fermerët: Do të ketë dëmshpërblime

19 Janar 2026, 16:43, Aktualitet CNA

Përmbytjet në Pogradec e Maliq/ Ministri Salla, takim me

Ministri i Bujqësisë, Andis Salla, në kuadër të dëgjesave publike me fermerët, u ndal këtë të hënë në Pogradec.

Salla theksoi se fermerët e prekur nga përmbytjet nuk do të mbeten pa mbështetje.

Gjatë fjalës së tij, ministri Salla u shpreh se ekipet e Ministrisë së Bujqësisë, në bashkëpunim me bashkitë, përfshirë edhe Bashkinë Maliq, janë në terren për të verifikuar dhe evidentuar dëmet në bujqësi, teksa shtoi se për fermerët e prekur do të ketë dëmshpërblime.

Përmbytjet në Pogradec e Maliq/ Ministri Salla, takim me
Ministri i Bujqësisë, Andis Salla

“Ne jemi duke verifikuar në terren, së bashku me ekipet tona të Ministrisë së Bujqësisë dhe me bashkitë, përfshirë edhe Bashkinë e Maliqit, çdo fazë të evidentimit të dëmeve në bujqësi, në mënyrë që t’i adresojmë pranë Qeverisë Shqiptare.

Siç e keni parë, takimi i kryesuar nga Kryeministri vendosi një paketë financiare për të gjitha dëmet e shkaktuara nga përmbytjet që ndodhën pak ditë më parë.

Ne kemi qenë në terren me Emergjencat Civile, bashkitë dhe ministritë përkatëse për të ndihmuar qytetarët, në mënyrë që asnjë nga të prekurit të mos mbetet vetëm.

Ministria e Bujqësisë do të jetë e angazhuar në mënyrë të plotë në procesin e evidentimit të dëmeve, jo vetëm nga ana jonë, por edhe në bashkëpunim me bashkitë, të cilat po bëjnë një punë shumë të mirë për të na i adresuar këto dëme, në mënyrë që të dimë si do të procedohet për mbështetjen e fermerëve, por edhe për të vazhduar drejt një bujqësie më të shëndetshme, duke investuar në argjinatura, kanale ujitëse etj.

Do të ketë dëmshpërblime.

Për herë të parë po zhvillojmë një dëgjesë publike me fermerët. Ne jemi përpara skemës kombëtare, ku duhet të përafronim buxhetet dhe fondet e akorduara nga Qeveria Shqiptare për fermerët, përmes Ministrisë së Bujqësisë, ashtu si çdo vit.

Ne kemi një paketë prej 52 milionë eurosh të dedikuara për fermerët.

Ne po i dëgjojmë fermerët: çfarë janë, çfarë kërkojnë, kushtet, problemet, shqetësimet dhe sugjerimet e tyre, për t’i përafruar këto me legjislacionin e Bashkimit Europian, ku ne duhet të akreditohemi dhe të veprojmë mbi bazën ligjore të tij, në mënyrë që ta përshtatim me kërkesat e fermerëve.

Nesër do të jem në Korçë. Nëse fermerët do të kenë mundësi të më dëgjojnë, unë jam pranë tyre për t’i takuar, për t’u shpjeguar dhe për të mos i lënë vetëm”,-tha ministri./CNA

 





Lajmet e fundit nga