web counter
LEXO PA REKLAMA!

SHKARKO APP

App Store
Google Play

Me 13 akuza për 5 vepra të rënda penale/ Sot, seanca në GJKKO për Erion Veliajn

19 Janar 2026, 09:08, Aktualitet CNA

Sot zhvillohet seanca e radhës në GJKKO për kryebashkiakun e arrestuar të Tiranës Erion Veliaj. Ndaj kryebashkiakut rëndojnë 13 akuza për 5 vepra të rënda penale.

SPAK ka kopsitur dosjen dhe e ka dërguar për gjykim. Veliaj po përdor taktika të ndryshme për të mos u përballur me drejtësinë. Shkaku i shtyrjes së seancës së fundit ishte pretendimi i kryebashkiakut se nuk e kishin çuar në kohë në seancë.

Por rezultoi një gënjeshtër dhe këtë e zbuloi vetë Drejtoria e Burgjeve. Në reagimin publik, Drejtoria e Përgjithshme e Burgjeve sqaroi se pretendimet nga Erion Veliaj ishin të pavërteta dhe se kanë njoftuar në kohë Veliajn për përgatitjen dhe nisjen drejt seancës gjyqësore.

“Mjetet e Policisë së Burgjeve kanë qenë të pranishme në ambientet e IEVP-së në kohën e parashikuar. Në momentin e njoftimit, Veliaj ka refuzuar të dalë, duke pretenduar se mjeti i Policisë së Burgjeve ishte vonuar”, theksohej në reagim.

Po ashtu edhe SPAK-u ka pasur një reagim zyrtar në lidhje me shtryjen e vazhdueshme të seancave nga Veliaj duke theksuar se janë të pajustifikuara.

Deri dje kryebashkiaku pretendonte se mbahej në burg pa akuzë, ndërkohë që tashmë ka akuzë, ka dokumente, prova, fakte të çuara në gjykatë me një dosje rreth 60 mijë faqe dhe Erion Veliaj nuk shkon të përballet, por i ikën përballjes me drejtësinë./ CNA

 





Lajmet e fundit nga