web counter
LEXO PA REKLAMA!

SHKARKO APP

App Store
Google Play

"'Smart City' cenon lirinë dhe privatësinë e qytetarëve"/ Berisha: Dënojmë projektin, është korruptiv

19 Janar 2026, 12:53, Aktualitet CNA

"'Smart City' cenon lirinë dhe privatësinë e

Kryetari i Partisë Demokratike, Sali Berisha, ka zhvilluar ditën e sotme një konferencë për mediat. Berisha është shprehur kundër projektit “Smart City”, pasi, sipas tij, cenon privatësinë e shqiptarëve dhe survejon lëvizjen e tyre.

Ndër të tjera shtoi se ky projekt është vjedhje në përmasa madhore dhe me çmime të fryra. Kryedemokrati është shprehur se PD do ta ngrejë çështjen e këtij projekti edhe në institucione ndërkombëtare.

“Jam para jush për të denoncuar projektin 'Smart City'. Synon survejimin e plotë të çdo qytetari. Me këtë projekt Edi Rama kompleton survejimin më të paligjshëm të shqiptarëve dhe privatësisë së tyre. Ky projekt është vendosje e qytetarëve në kontroll dhe është fund e krye korruptiv. Sistemi ‘Smart City’ regjistron, jo vetëm vendodhjen, por edhe imazhin e plotë të qytetarëve. Çmimet e ofruara për realizimin e këtij projekti janë nga 10 deri në 30-fishin e çmimeve për këto aparatura në treg. Në qoftë se kamera e trupit të policit kushton në këtë projekt 15 700 euro, ajo blihet kudo me 1500 euro.

Në rast se kamera e rrugës kushton 52 mijë euro, kjo kamerë blihet lirshëm me 2 mijë euro. Pra, është 25 herë më e shtrenjtë. Vjedhje në përmasa madhore, ky projekt ka kushtuar 157 milionë euro, 15-fish më shumë se në Indi. Dënoj me forcën më të madhe një projekt të tillë si një vjedhje të përmasave të papërmbajtura, si një dhunim dhe cenim i madh i sigurisë dhe privatësisë së shqiptarëve. Ata nuk mund të shkojnë më te njëri-tjetri pa Syrin e Ciklopit mbrapa. PD do ta ngrejë këtë çështje edhe në institucionet ndërkombëtare, pasi është shkelje e të drejtave të njeriut”, tha Berisha. /CNA





Lajmet e fundit nga