web counter
LEXO PA REKLAMA!

SHKARKO APP

App Store
Google Play

E fundit!

x

PD kërkon mocion me debat dhe interpelancë me Ramën/ Bardhi: Të mbahen të enjten

30 Shtator 2025, 09:19, Politikë CNA

PD kërkon mocion me debat dhe interpelancë me Ramën/ Bardhi:

Kryetari i Grupit Parlamentar të Partisë Demokratike, Gazment Bardhi, gjatë mbledhjes së Konferencës së Kryetarëve ka kërkuar që mocioni me debat për programin qeverisës të mbahet ditën e enjte, po ashtu edhe interpelanca urgjente me kryeministrin Edi Rama.

PD ka kërkuar interpelancë lidhur me takimet e kryeministrit Edi Rama dhe disa anëtarëve të kabinetit në Aruba, ku sipas opozitës janë takuar me pjesëtarë të mafies.

 

"Meqenëse nuk është caktuar seancë këtë të enjte, kërkojmë që ky mocion të zhvillohet pikërisht atë ditë.

Konferenca e Kryetarëve nuk vlerëson përmbajtjen e kërkesës për mocion. Konferenca vendos vetëm datën. Kërkesa është konform rregullores dhe ka një pikë: aspiratën e Shqipërisë për në Bashkimin Europian. Keni qenë ju që keni bërtitur në Kuvend se opozita nuk do debat. Sot jeni ju që po e faktoni se kush nuk do debat, kush nuk ka një bilanc për t’u përballur në debat, kush nuk ka një program të qartë për atë që e keni shpallur prioritet, pra anëtarësimin në BE. Nga njëra anë bërtisni se keni krijuar jonormalitet në Kuvend, nga ana tjetër refuzoni debatin", deklaroi Bardhi./CNA

 

 

 





Lajmet e fundit nga