web counter
LEXO PA REKLAMA!

SHKARKO APP

E fundit!

x

“PS dhe PD nuk respektojnë qytetarët”/ Krasniqi: Duan kandidatë për Tiranën sa për të kaluar lumin

29 Shtator 2025, 21:51, Politikë CNA

“PS dhe PD nuk respektojnë qytetarët”/ Krasniqi: Duan

Politologu Afrim Krasniqi analizoi sot situatën para zgjedhjeve për drejtimin e Bashkisë së Tiranës.

I ftuar në A2CNN, Krasniqi u shpreh se dy partitë kryesore, Partia Socialiste dhe Partia Demokratike, nuk respektojnë kontratat e shërbimit ndaj qytetarëve.

Krasniqi akuzoi mazhorancën dhe opozitën se duan kandidatë vetëm për t’ia hedhur garës.

“PS ka emëruar kandidatët, kurse PD mirë që po debaton dhe ka njerëz që po debaton për kandidatët se të dy palët kanë shkelur rregullat e demokracisë.

Supozohet që kandidati duhet zgjedhë me formë tjetër, jo t’i thuash se ti je kandidat apo kush do dalë kandidat se do diskutoj me aleatët që kanë marrë 1%. Shqetësimi që përbën temën kryesore është: Si është e mundur që qytetarët e Tiranës kanë votuar për një bashki që tregoi se nuk e respektoi kontratën dhe e ktheu në institucion abuzues?  Dhe një numër i madh zyrtarësh ndodhen para drejtësisë dhe sistemi që i promovoi, mbrojti dhe legjitimoi dhe na i paraqiti që këta janë e ardhmja e Shqipërisë është i njëjti sistem që kemi sot.

Zgjidhja që po afrohet nuk është për të ndryshuar sistemin dhe mekanizmin që e solli këtë gjë, por për të gjetur dikë për të kaluar lumin dhe për të fituar kredenciale politike. Ky duhet të ishte shqetësimi kryesor”,-tha Krasniqi./CNA

 

 





Lajmet e fundit nga