web counter
LEXO PA REKLAMA!

SHKARKO APP

App Store
Google Play

Parlamenti prezantoi taksën e re/ Berisha "i drejton gishtin" Ramës: Po kryen gjenocid ndaj shqiptarëve

30 Mars 2023, 18:22, Politikë CNA

Parlamenti prezantoi taksën e re/ Berisha "i drejton gishtin"

Kreu i Partisë Demokratike, Sali Berisha u shpreh se qeveria po bën “gjenocid” ndaj shqiptarëve pasi sot në parlament prezantoi një tjetër taksë ndaj një grupi profesionistësh.

Gjithashtu Berisha deklararoi se në këtë garë elektorale demokratët kanë përgjegjësi për shkak se në zgjedhjet e kaluara vendore “ia dorëzuan fitoren në zarf Ramës” pasi bojkotuan zgjedhjet.

“Demokratët kanë përgjegjësi pasi bojkotuan zgjedhjet lokale dhe ia dorëzuam me zarf pushtetin Ramës. Ne njohim dhe pranojmë gabimet, e caktuam në statut. Rama mendoi se e kishim formale atë ne, bëri gjithçka duke besuar se ne do i bojkotonim. Ne do marrim pjesë në zgjedhje dhe do fitojmë.

Ne duhet të bashkohemi me çdo shqiptar që ndjen minimumin e dashurisë për këtë vend. Shqipëria nuk ka pasur kurrë më shumë nevojë se për një grimcë dashuri nga ne. Kurrë ndonjëherë nuk është shkretuar me shpejtësi të rrufeshme si këto 8 vite, kurrë nuk ka humbur 35% të popullatës së saj, kurrë nuk ka humbur nëpër Evropë 937 mijë shqiptarë.

Sot kishte ardhur ligji për të larguar profesionistët nga Shqipëria, u vendoste një tjetër taksë 23%, vetëm spastrim. Ky është gjenocid i shqiptarëve ndaj shqiptarëve. Në konventën e OKB thuhet se gjenocid konsiderohet kur ti krijon kushte për largimin e tjetrit, këto janë kushte të llogaritura.

Para dy vitesh mbi 4000 mjekë ikën nga vendi, Rama u thoshte se presin të fillojnë punën. Tani jemi mjekë për frymë si në 1960-ën. Tirana ka shërbim shëndetësor ndër më të këqijtë në botë. Ligji për korsinë e shpejtë në shërbimin shëndetësor, kujtoni se është ambulanca, jo jo, është ai që paguan më shumë nga spitalet. Këto janë mendje të çmendura. Kush e bën këtë, ai që premtoi shëndetësi falas. Shërbimi është për ata që paguajnë”, tha ai./CNA





Lajmet e fundit nga