web counter
LEXO PA REKLAMA!

SHKARKO APP

App Store
Google Play

E fundit!

x

E sulmuan për transportin publik falas/ Këlliçi “i mbyll gojën” mazhorancës

30 Mars 2023, 15:20, Politikë CNA
E sulmuan për transportin publik falas/ Këlliçi “i mbyll
Kandidati i opozitës për Bashkinë e Tiranës, Belind Këlliçi

Kandidati i opozitës për Bashkinë e Tiranës, Belind Këlliçi, shpjegoi platformën e tij për uljen e kostos së jetesës, në një takim me banorët e Njësisë Nr.4 në kryeqytet.

Gjatë bashkëbisedimit me banorët, Këlliçi shpjegoi në mënyrë të detajuar projektin për transport publik falas për qytetarët, ndërsa u dha përgjigje edhe skeptikëve.

Belind Këlliçi tregoi se si Erion Veliaj është kapur në panik, për shkak të këtij premtimi, i cili do t`u heqë paratë inceneratorëve për të ofruar një shërbim publik falas për banorët e Tiranës. 

“E ka kapur paniku i madh se kemi premtuar që 6.8% të buxhetit prej 240 milionë eurosh të Bashkisë së Tiranës, nuk do e çoj më për inceneratorë fantazmë, por do t`jua jap ju, me transport publik falas. Ku fitojnë përditë 200 mijë qytetarë”, tha Këlliçi.

Më tej, Belind Këlliçi shpjegoi se transporti publik falas do të pasohet jo vetëm me modernizim të shërbimit, por njëkohësisht do të sjellë edhe të mira të tjera, siç është reduktimi i trafikut apo ulja e ndotjes.

“Nga ana tjetër, kemi një problem shumë të madh, trafikun. Transporti publik falas ul trafikun në Tiranë, e shfryn. Pse? Sepse njerëzit do t`i lënë makinat, do mundohen të marrin një shërbim modern të transportit publik, që ne do ta modernizojmë”- tha Këlliçi.

Për skeptikët e këtij premtimi apo dhe propagandës së transportit publik falas është koncept i majtë, Belind Këlliçi kishte një përgjigje. 

“Ata që na sulmojnë se koncepti i transportit publik falas është i majtë. Nuk është i majtë sepse transportin publik ju e paguani, paguani taksa në Tiranë. Thjesht nuk do paguani dy herë. Do paguani zero çmimin e biletës. Ju paguani taksa në këtë qytet, kontribuoni në këtë qytet. Problemi është që nuk i merrni shërbime”, tha ai.

Madje, ai shkoi më tej, duke e krahasuar situatën aktuale të transportit publik me atë të ujit të pijshëm në Tiranë, ku qytetarët paguajnë disa herë për të njëjtin shërbim. 

“Në lidhje me transportin publik falas, është e njëjta gjë si me ujin. Jemi i vetmi vend në botë që paguajmë tri herë ujin e pijshëm: Pra njëherë paguan për një shërbim që ti e përdor për të larë trupin. Herën e dytë e paguani ujin për ta pirë apo për ta gatuar, e bleni. Herën e tretë paguani pompën, energjinë elektrike nëpër pallate, se keni depozita për të mbush depozitën”, theksoi Këlliçi./ CNA.al





Lajmet e fundit nga