web counter
LEXO PA REKLAMA!

SHKARKO APP

App Store
Google Play

E fundit!

x

“A je e paaftë apo arrogante?”/ Tabaku nuk përmbahet ndaj Ibrahimajt: "Copy paste" si Rama

30 Mars 2023, 12:23, Politikë CNA
“A je e paaftë apo arrogante?”/ Tabaku nuk përmbahet ndaj
Deputetja Jorida Tabaku

Deputetja Jorida Tabaku i është kundërpërgjigjur me tone të ashpra ministres Delina Ibrahimaj.

Tabaku është shprehur se ka mbetur e habitur se si Ibrahimaj flet për rindërimtin dhe fondet përmes fotove dhe shifrave duke e quajtur të paaftë dhe arrogante.

 “Shpresoj të ketë qenë lapsus, po ministrja është kaq largpamëse sa parashikon shumë fatkeqësi. Ministrat janë të pazgjedhur dhe flasin me arrogancë, të gjithë 'copy paste' me kryeministrin. Kur pret të të flasë me shifra, Ministrja flet me fotografi. Si mundet dikush që mban përgjegjësinë për buxhetin e shtetit tregon fotografi, tregon piktura. Arroganca është fatkeqësi. Dhe kjo ka ndodhur me procesin e rindërtimit. Teksa fliste, mua më vinin mesazhe nga qytetarë që thonë se s’kanë marrë asgjë nga fondi i rindërtimit se nuk kanë qenë me PS. Unë e pyes sa ka kushtuar ajo më thotë i kemi çuar në hotele? Po kë të pyes unë? Kush mban përgjegjësi?

A ke ndonjë lidhje ti me ato kompani apo ish-zv.kryeministri, keni përdorur fatkeqësinë me biznes. A je e paaftë apo arrogantë, nuk e di? Ministrja i bën punët e veta nga kafja po grupi parlamentar ka llogaritur dhe ka analizuar çdo gjë mbi buxhetin faktik. Duhet të kishim përgjegjës para drejtësisë. E njëjta gjë ndodhi me inceneratorët dhe u mbyllën sytë. Emergjenca sot po përdorët si justifikim për biznesin dhe krizën. Këta zyrtarë duhet të mbajnë përgjegjësi”, tha Tabaku./ CNA.al





Lajmet e fundit nga