web counter
LEXO PA REKLAMA!

SHKARKO APP

App Store
Google Play

E fundit!

x

Financimet në prag zgjedhjesh/ Këlliçi: Stafi im përbëhet nga vullnetarë

29 Mars 2023, 22:35, Politikë CNA
Financimet në prag zgjedhjesh/ Këlliçi: Stafi im
Kandidati i opozitës për Tiranën, Belind Këlliçi

Kandidati i opozitës për Tiranën, Belind Këlliçi, është pyetur mbrëmjen e sotme për financimet për stafin në prag të fushatës elektorale për zgjedhjet e 14 majit.

Këlliçi tha në emisonin e Erla Mëhillit se stafi i tij ëhstë i përbërë nga vullnetarë të FRPD-së dhe PD-së.

“Stafi im në pjesën dërrmuese është i përbërë nga vullnetarë të FRPD dhe PD. Në aspektin profesional, kemi nxjerrë listën e këshilltarëve, duke nisur nga Alimehmeti. Duke vazhduar me zonjën Beti Njuma që do mbulojë çështje të librit dhe kulturës, duke vazhduar me Arben Tafaj. Duke vazhduar me Dorian Teliti, Klodian Muço. Është një ekip shumë i madh. Kam miq dhe njerëz që janë të interesuar në fitoren e 14 majit. Strategjinë e bëj unë me ekipin tim. Kam miq në pjesën dërrmuese të vendve të BE dhe në SHBA. Më ndihmojnë me ide, por jo të gjitha vlejnë. Pjesën më të vogël e kam marrë parasysh”, u shpreh ai.

Kandidati për Tiranën u pyet nëse bashkëpunon me kompani, të cilat kanë punuar më parë me kryebashkiakun Erion Veliaj, por ai deklaroi se nuk e ka një informacion të tillë.

“Edhe këtë ma thatë? Hera e parë që e dëgjoj. Unë punoj me të gjithë ata që janë të interesuar për fitoren e 14 majit. Nuk e di a kanë bashkëpunuar me Veliaj apo me ndonjë tjetër. Nuk ia kam idenë. Po më habisni me këtë info, hera e parë që e dëgjoj. Jo vetëm që nuk më komplekson, por po e shihni që gara itensifikohet. Ditë pas dite po shpalos piketat e programit. Ku do gjenden paratë? Aktualisht që flasim, kemi 2 modele që mund t'i shohim fare mirë. Në Tiranë dhe në Shkodër. Fondi i pagave dhe shpenzimet e tjera, të Bashkisë Tiranë shkojnë 61%, në Shkodër është 31%. Është model i prekshëm ky. Paratë do të shkojnë për aheng dhe tallava e koncerte. Ka prioritete qyteti”, theksoi Këlliçi./ CNA.al





Lajmet e fundit nga