web counter
LEXO PA REKLAMA!

SHKARKO APP

App Store
Google Play

Paralajmëron Këlliçi/ Do marr masa për apartamentet “fantazmë”

29 Mars 2023, 22:51, Politikë CNA
Paralajmëron Këlliçi/ Do marr masa për apartamentet
Kandidati i opozitës për Tiranën, Belind Këlliçi

Kandidati i opozitës për Tiranën, Belind Këlliçi, ka bërë një parajmërim mbrëmjen e sotme, teksa ka folur për apartamentet bosh në kryeqytet.

Këlliçi tha se Veliaj nuk e përmbushi premtimin e tij për apartamentet bosh të Tiranës dhe vijoi të japë leje ndërtimi.

Për këtë arsye, kandidati i opozitës theksoi në emisionin e Erla Mëhillit se do të marrë një masë për këto apartamente, ku nuk jeton askush. Ai nënvizoi se masën do ta bëjë publike në dy ditët në vijim.

“Në ditët në vijim në mos nesër, pasnesër do të bëj publike një masë që do të lidhet drejtpërdrejt me apartamentet vakante në Tiranë. Kur kryetari aktual i bashkisë u zgjodh kryetar bashkie në 2015-ën, ka deklaruar se ishte kundër ndërtimit sepse ishte një stok prej 8000 apartamentesh, që pa u shitur një herë këto ai nuk do të jepte leje ndërtimi.

Sot e dimë ai ka dhënë 6.1 milionë leje ndërtimi beton dhe stoku ka vajtur nga 8.000 në 40.000. Për këtë unë pa diskutim do të ndërmarr një masë që do ta bëj publike, në mos nesër të premten, sepse dua të jem shumë korrekt me atë masë që dua të marrë. Tirana nuk e ka luksin të ketë apartamente “fantazmë”, një stok kaq të madh apartamentesh të pabanuara dhe të vazhdojnë të jepen leje”, deklaroi Këlliçi./ CNA.al





Lajmet e fundit nga