web counter
LEXO PA REKLAMA!

SHKARKO APP

App Store
Google Play

Braçe bën rolin e opozitarit/ Kritikon qeverinë për sistemin fiskal

30 Mars 2023, 15:43, Politikë CNA

Braçe bën rolin e opozitarit/ Kritikon qeverinë për

Deputeti Socialist, Erion Braçe ka bërë sërish rolin e opozitarit në Parlament duke iu kundërvënë qeverisë për punën e tyre.

Gjatë fjalës në Kuvend, Braçe është shprehur se sistemi fiskal duhet të tatojë të ardhurat dhe jo statusin juridik.

Ai pretendon se qeveria po u bën po u bën më të lehtë punën e administratës dhe nuk i kushton vëmendje mbledhjes së parave nga sektori i bujqësisë.

“Sistemi fiskal duhet të tatojë paranë dhe jo statusin juridik. Ai nuk mund të tatojë atë që sjell të ardhura. Kjo vjen pasi ne duam t’ua bëjmë punonjësve të shtetit punën më të lehtë dhe jo të mbledhim para nga sektorët e bujqësisë. Kjo lidhet me keqqeverisjen. Të gjitha që bëjmë ne janë progresive po aty ku kapitali është u vdekur duhet të ketë tatim regresiv”, u shpreh Braçe.

Gjithashtu deputeti socialist tha se bujqit nuk mund të depozitojnë të ardhura mbi 20 milionë, pasi sipas tij ata klasifikohen si persona, të cilët duan të pastrojnë para.

Gjatë fjalës së tij në Kuvend, Braçe u shpreh se banorët klasifikohen të tillë pasi nuk kanë fatura për të deklaruar të ardhurat.

“Bujqit nuk kanë mundësi të hedhin lekët e tyre në bankë. Kur ata paraqiten me 20 ose 30 milionë lekë ata klasifikohen sikur do të pastrojnë para sepse nuk kanë fatura për t’i treguar. Këto para nuk mund të mbahen në shtëpi”, theksoi deputeti socialist./CNA





Lajmet e fundit nga