web counter
LEXO PA REKLAMA!

SHKARKO APP

App Store
Google Play

E fundit!

x

“Numër i lartë pjesëmarrësish”/ Kaso flet pas mbylljes së procesit të votimit për Primaret

1 Mars 2025, 20:11, Politikë CNA

“Numër i lartë pjesëmarrësish”/ Kaso flet pas

Drejtuesi politik i PD për qarkun Korçë, Ivi Kaso ka folur pas mbylljes së procesit të votimit për Primaret.

Kaso tha se procesi i votimit ishte i qetë dhe numërimi i votave do të jetë i përqëndruar në degën e Korçës. Drejtuesi politik i PD për Korçën tha se pjesëmarrja në votime ishte e lartë.

 

“Sapo është mbyllur përfundimisht procesi për votimin për përzgjedhjen e kandidatëve për deputet nëpërmjet procesit të Primareve në gjithë qarkun e Korçës. Një pjesë e mirë e qendrave të votimit, pra degë të caktuara, kanë sjellë edhe kutitë e qendrave të votimit. Janë duke u hartuar procesverbalet përkatëse vetëm për dy degë dhe pritet që shumë shpejt të fillojë procesi i numërimit, i cili parashikohet që të jetë i përqëndruar në degën qendër qarku pra në degën e Korçës, në momentin që vjen dhe kutia e fundit. Kjo dhe për shkak të përllogaritjes të numrit të saktë të pjesëmarrësve, i cili do të përcaktojë edhe në bazë të formulës së shpallur nga komisioni i organizimit të operacioneve elektorale, do të përcaktojë edhe pragun që do të jetë pragu kualifikues për të gjithë kandidatët në mënyrë që të gjithë kandidatët në garë të kenë qartësi për pragun përpara se të fillojë procesi i numërimit. Procesi ka qenë përgjithësisht i qetë, ka patur problematika të vogla ndaj të cilave një proces kaq masiv nuk mund të shpëtonte.

Përgjithësisht ka qenë një proces i qetë, ajo që vërehet është që ka patur një numër të lartë pjesëmarrësish, demokratë të cilët janë derdhur masivisht për të votuar në të gjitha degët e PD në qarkun e Korçës, çka tregon për një interesim të lartë dhe një galvanizim jo vetëm të strukturave të PD, por edhe të emocionit dhe entuziazmit të fitores që të gjithë demokratët dhe pjesa më e madhe e shqiptarëve presin nga PD dhe opozita e bashkuar në zgjedhjet e 11 Majit. Sigurisht edhe numri i lartë i kandidatëve ka bërë të vetën pasi është jo vetëm cilësia dhe reputacioni i tyre në strukturat e PD e më gjerë, por edhe aktivizimi i tyre përgjatë procesit të Primareve i cili ka zgjuar mjaft energji të fshehura në strukturat e PD çka ka sjellë edhe këtë numër kaq të lartë pjesëmarrësish”, tha Kaso./ CNA





Lajmet e fundit nga