web counter
LEXO PA REKLAMA!

SHKARKO APP

App Store
Google Play

“Nuk shkohet në Europë me 80 euro”/ Doshi nga Milano: Nuk na duhen avionë për të mbushur sallën

2 Mars 2025, 21:05, Politikë CNA

“Nuk shkohet në Europë me 80 euro”/ Doshi nga Milano: Nuk

Kryetari i Partisë Socialdemokrate, Tom Doshi ka mbajtur një takim në Milano të Italisë në kuadër të zgjedhjeve parlamentare të datës 11 maj. Kreu i PSD, theksoi se partitë e tjera i mbushin sallat duke çuar njerëz me avionë ndërsa shtoi se njerëzve në Shqipëri u mungojnë shërbimet në spitale dhe ilaçe.

“Partitë e tjera i sjellin njerëzit me aviona me mbush sallat. Ne kishim planifikuar faktikisht për 500 vetë, por këtu jeni më shumë se 1000 vetë. Vijnë këtu dhe bëjnë premtime, “e keni derën e hapur”, por çfarë ju duhet të hapin derën kur derën juve ju a ka hapur Italia dhe Europa.

Dalin e mburren e thotë kemi bërë spitale, ne nuk na duhen godinat e bukura, ne na duhen shërbimet. Njerëzit që janë të sëmurë me kancer nuk kanë ilaçe. Në zgjedhjet e fundit kanë marrë pjesë një milion e 400 mijë njerëz, ndër këto 800 mijë janë pensionista, 200 mijë janë me ndihmë sociale.

Një familje me gjashtë persona merr 80 euro, një fëmijë merr 12 euro. Po kështu duam të hyjmë në Europë ne? Mendoni për një milionë shqiptarë që vuajnë, mos mendoni për mua dhe as për PSD-në. Mendoni për shqiptarët”, tha Doshi. /CNA





Lajmet e fundit nga