web counter
LEXO PA REKLAMA!

SHKARKO APP

App Store
Google Play

E fundit!

x

“Nuk po ju drejtohem si politikane”/ Topalli nga Milano: Diaspora kryen rotacionin më 11 maj

2 Mars 2025, 16:43, Politikë CNA

“Nuk po ju drejtohem si politikane”/ Topalli nga Milano: Diaspora

Koordinatorja e Diasporës në PD, Jozefina Topalli në takimin e mbajtur me emigrantët shqiptarë në Milano të Italisë, theksoi se Diaspora do të jetë një faktor i jashtëzakonshëm për zgjedhjet e 11 majit ndërsa i bëri edhe njëherë thirrje shqiptarëve që jetojnë jashtë Shqipërisë të regjistrohen për të pasur mundësinë e votimit në zgjedhje.

“Të dashur motra dhe vëllezër, mirë se ju gjetëm! Sot nuk kam ardhur si një politikane apo mikeshë, por si një shqiptare që kam dëgjuar gjatë gjithë kësaj periudhe dhimbjen e emigracionit, krenarinë e arritjeve tuaja.

Sot jemi fizikisht në Milano, por zemrat tona janë në Shqipëri, në vendlindjen që nuk e keni lënë asnjëherë pas. Gjatë kësaj periudhe, unë kam dëgjuar shumë histori, rrëfime që ju i mbani brenda shpirtit tuaj.

Unë këtu njoh shumë, e di që shumë prej jush keni ikur me barka nga Vlora, Durrësi e Shëngjini. Gjëja më e bukur është se ju asnjëherë nuk jeni ndalur, përkundrazi, ju nuk e keni lënë pas Shqipërinë, e keni marrë me vete.

Është rasti për t’ju lutur edhe njëherë. Ka vetëm dy ditë mundësi për t’u regjistruar dhe ndryshuar çdo gjë në vendlindjen tuaj. Jeni një faktor elektoral i jashtëzakonshëm. Vetëm ne atje bashkë, dhe ju këtu, mund të bëni të mundur për rotacionin.

Shqiptarët jashtë kufijve të Shqipërisë do të ndryshojnë të ardhmen tonë për një Shqipëri më të mirë dhe më të drejtë”, tha Topalli. /CNA





Lajmet e fundit nga