web counter
LEXO PA REKLAMA!

SHKARKO APP

App Store
Google Play

Takimi me shqiptarët në Milano/ Berisha: Shpall vitin 2025 si vit të bekuar!

2 Mars 2025, 15:55, Politikë CNA

Takimi me shqiptarët në Milano/ Berisha: Shpall vitin 2025 si vit

Kreu i Partisë Demokratike, Sali Berisha mbajti një takim me shqiptarët në Itali, specifikisht në Milano. Berisha, theksoi se viti 2025 do të jetë viti kur Diaspora do të firmosë me votën e saj largimin e Edi Ramës, ndërsa shtoi se diktaturat nuk jetojnë përgjithmonë. 

"Atdhetarët e flaktë po shkrinë ngricën dhe po sjellin pranverën e bekuar të demokracisë. Mirënjohje e madhe për këtë pritje të zjarrtë, pritje që po kthehen në himnim më të bukur për opozitën dhe për fitoren e demokracisë shqiptare. Jemi në Milanon e mikut të madh të demokratëve, Silvio Berluskonit.

Një falenderim për kombin e madh italian për gjithçka kanë bërë për Shqipërinë dhe shqiptarët. Marrëdhëniet e Shqipërisë me Italinë janë qindra vjeçare, por ne shqiptarët kemi një fjalë; miku i mirë në ditë të vështirë dhe italianët na janë gjendur.

Pas komunizmit, Italia ishte vendi i parë që u mësye nga shqiptarët dhe tani Italia hapi sërish dyert për shqiptarët e larguar nga narko-diktatura e Ramës. Shqipëria këto vitem nuk mund të them se u bë vend i mallkuar, por u bë vendi nga i cili shqiptarët donin vetëm të largoheshin.

U bë vendi ku shqiptarët provuan mjerimin më të madh, por diktaturat nuk jetojnë gjithmonë. Sot, para jush e shpall vitin 2025 si vitin e bekuar të diasporës shqiptare, vitin e shqiptarëve që kudo në botë ngritën lart emrin e Shqipërisë.

Vitin e shqiptarëve që përsërisin me vete se do t'i dalin zot Shqipërisë. Është viti i Diasporës se këtë vit ju do t'i bëni kombit dhe familjes suaj dhuratën më të bukur, ju me votën tuaj firmosni fitoren e Partisë Demokratike, firmosni rotacionin, firmosni fundin e narko-diktaturës", tha Berisha. /CNA





Lajmet e fundit nga