web counter
LEXO PA REKLAMA!

SHKARKO APP

App Store
Google Play

E fundit!

x

Admir Sinamati i “përplas në fytyrë” dështimin Flamur Nokës: Demokratët nuk e pranojnë imponimin

2 Mars 2025, 12:06, Politikë CNA

Admir Sinamati i “përplas në fytyrë” dështimin

Admir Sinamati ka reaguar pas rezultateve përfundimtare të Primareve në qarkun e Kukësit.

Sinamati u shpreh se edhe një herë demokratët treguan se nuk e pranojnë imponimin dhe rrëzuan hysmeqarët e Flamur Nokës.

“Faleminderit demokratë të Qarkut Kukës!

Të nderuar miq, dje demokratët në Kukës treguan se janë si gjithmonë dinjitozë. Ata ndëshkuan me votë aritmetikën politike antidemokratike të Flamur Nokës duke e renditur të përkrahurit e tij (dyshen Hoxha-Çela) të tretin në listë.

Ky votim dëshmoi se demokratët edhe me atë listë të sforcuar kandidatësh (sidomos në Kukës) nuk e pranojnë imponimin.

Dyshja Hoxha-Çela u paralajmërua se jeni të fundit, pasi edhe nxjerrja jashtë kandidimi i Admir Sinamatit nuk iu shpëton.

Hasi demokrat dëshmoi se kandidatura e tij duhet të ishte në listën e sigurtë e jo hysmeqari i Flamur Nokës.

Leksioni që dha proçesi i votimit në Kukës në fakt rezultoi ashtu siç kisha propozuar unë:

- Kandidatura e Hasit të jetë në listë të mbyllur. PD i detyrohet në shenjë besnikërie elektoratit demokrat hasjan për mbështetjen e padiskutuar ndër vite si dhe mospasjen prej afro 20 vitesh të asnjë përfaqsuesi në parlament.

- ?në listë të hapur të kandidohem unë( nëse fitoj primaret) dhe një kandidaturë tjetër e mirëpërzgjedhur nga pjesa e jorithemelimit të PD (qoftë ky Arif Rexhmati apo Flamur Hoxha) si dhe fituesi i garës së Tropojës; e me këtë kompozim  kandidaturash ne duhet të luftonim për rezultat 3-0.

*Këtë zgjidhje ia kam parashtruar edhe Doktor Berishës në takimin me Të me datë 21 Shkurt 2025 por çuditërisht pavarsisht se e kuptova që i pëlqeu nuk e pranoi.

Demokratët e Malësisë së Gjakovës i përshëndes dhe i vlerësoj pafund për çmimin e dhënë secilit kandidat.

Demokratët e Hasit përqafime të gjithëve!

Demokratë  Kuksianë asgjë nuk ka ndryshuar tek unë; Flamurat vetëm se ma kanë shtuar zellin të punoj më shumë ndaj:

????????Unë zotohem se do t’ua kthej mandatin e nxjerrë në pazar nga “udhëheqësi” dhe patericat e tij!

Jam me Ju, tek Ju dhe për Ju!

Demokracia Funksionon edhe kur individë të ndyrë bëjnë lojë të pistë!

Dëshmia më e qartë e kësaj ishte dje dhe do të jetë nesër, Kukësi!", shkruan Sinamati./ CNA





Lajmet e fundit nga