web counter
LEXO PA REKLAMA!

SHKARKO APP

App Store
Google Play

E fundit!

x

“Pesë vite pa taksë për shqiptarët”/ Berisha: Sot kryeministër është “Toto Riina”

2 Mars 2025, 16:16, Politikë CNA

“Pesë vite pa taksë për shqiptarët”/ Berisha:

Kreu i Partisë Demokratike, Sali Berisha mbajti një takim me shqiptarët në Milano të Italisë. Lideri i opozitës, theksoi se në rast se fiton zgjedhjet atëherë do të mbyllë fondacionin e George Soros dhe do të kërkojë shpalljen e tij “Non Grata”. Ndër të tjera, Berisha shtoi se aktualisht Shqipëria ka për kryeministër një mafioz siç ishte Toto Riina, apo Escobar.

“Shqipëria madhështore do të jetë Shqipëria ku shqiptarët trajtohen me dinjitet, do të jetë Shqipëria ku shqiptarët do të vendosin të realizojnë ëndrrat e tyre dhe bizneset e tyre. Shqiptarët që rikthehen në Shqipëri do të kenë stimuj, pesë vite pa asnjë taksë. Shqipëria madhështore do të jetë Shqipëria e krenarisë sonë, do të jetë “Made in Albania”.

Qytetetet dhe fshatrat, pasuritë natyrore që ka Shqipëria nuk i ka asnjë vend tjetër me 28.000 km katror. Do të bëhet gjithçka nën moton, ekonomia, ekonomia, ekonomia. Shqipëria prodhuese, markat shqiptare do të mbushin dyqanet dhe do të vërshojnë.

“Ballkani i Hapur” stop, në kosh do të hidhet. Argati i Vuçic do të përgjigjet për krimin ekonomik. Kemi edhe një pikë tjetër në program, pastrimin e shtëpisë. Shtëpinë e kanë në dorë hajdutët më të mëdhenj. Sot kryeministër është Toto Riina, një Escobar. Kartelet e drogës janë vendimmarrësit kryesorë, ligji do të veprojë me forcë të madhe.

Mbyllja e fondacionit të George Soros dhe shpallja “Non Grata” e Soros. Për italianët, Soros është hajduti më i madh. 20 miliardë ka vjedhë në një bixhoz, ligji anti Soros është ligji për të pastruar Shqipërinë. Shqipëria madhështore do të jetë Shqipëria e ëndrrës më të bukur”, tha Berisha. /CNA





Lajmet e fundit nga