Faktet/ Manipulim masiv i Primareve në Qarkun e Korçës

2 Mars 2025, 18:18, Politikë CNA

Qarku i Korçës ka qenë shembulli i manipulimeve masive të rezultatit përfundimtar, kjo jo vetëm për shkak të numrave që nxjerrin zbuluar shumë kandidatë në disa bashki ku ata pretendojnë se janë superstiociozë, kontrollues apo të pazëvendësueshëm.

Në fakt, shembulli është Devolli ku Bledjon Nallbati kontrollon çdo votë dhe del më i votuari i të gjithë qarkut me votat vetëm të degës së PD-së së Devollit, kur në qarkun e Korçës, Partia Demokratike në zgjedhjet e fundit ka mbi 50.000 vota, Bledion Nallbati del më i votuari i këtij qarku vetëm me njëmijë e pak votat e Bashkisë Devoll.

Pra, një nga degët më të vogla, e katërta e këtij qarku del me kandidatin më të përfaqësuar. Ka më shumë vota se Bashkia e Korçës megjithëse ka më pak se gjysmën e zgjedhësve apo anëtarë.

E dyta vjen Bashkia e Maliqit ku rezultati është manipuluar totalisht nga kandidati Edmond Spaho. Skema është e njëjtë si në Devoll, edhe aty Edmond Spaho i cili merr 20 vota në Korçë apo gjashtë në Pogradec, del me gati 600 vota në Bashkinë e Maliqit. E njëjta situata ndodh edhe në Kolonjë ku pretendohet se kanë votuar rreth 600 vetë. Në fakt, dega nuk ka më shumë se 500 anëtarë dhe shumicën e votave i merr Ledina Alolli.

Në këtë degë raportohet se anëtarët e Leskovikut mund të kenë votuar shumë pak ose aspak dhe rezultati është totalisht i manipuluar çka ka bërë që kandidatja Alolli të kalojë pragun. Ka edhe detaje të tjera për të cilat drejtuesit e qarkut ndoshta janë duke i vlerësuar, por më e rëndësishmja është fakti se si mundet të vjedhësh votat e shtëpisë tënde, në garën e shtëpisë tëndë, ku të paktën secili duhej të merrte atë që meritonte, pra duhej ta dinte peshën e tij elektorale.

Por, edhe pse kanë nga tre, katër mandate të zgjedhur deputetë, kandiduar dhe humbës, mendojnë se duhet të jenë akoma pjesë e garës. Në fakt, diferencën në qarkun e Korçës diferencën e ka bërë Pogradeci ku rezultati është më real apo edhe vetë Bashkia e Korçës megjithëse edhe aty ka pasur një ndërhyrje të fortë nga një kandidat si Fidel Kreka i cili ka rezultuar më i votuari kur gjithçka duke më shumë e impostuar nga çuarja e njerëzve apo intimidimi i tyre.

Në qarkun e Korçës në tre bashki të paktën deri tani ka një rezultat totalisht të deformuar, në Bashkinë e katërt siç është ajo e Korçës ka një intimidim dhe një pjesërisht deformim rezultati me individë të tjerë, nuk po flasim për në manipulim si në Bashkitë e mësipërme sepse në tre Bashkitë e Devollit, Maliqit dhe Kolonjës është përdorur e njëjta skemë nga të tre njerëzit që kanë qenë bashkëpunëtorë të Lulzim Bashës siç është Bledjon Nallbati i vendosur kandidatë nga Basha, Edmond Spaho dhe Ledina Alolli.

Kanë përdorur të njëjtën skemë në vitin 2021 duke firmosur apo falsifikuar firma dhe hedhur vota fiktive për individë që nuk janë paraqitur aspak në qendrën e votimit apo janë emigrantë të cilët ekzistojnë në listat e anëtarësisë të degës përkatëse. Manipulimi masiv i Korçës është një shembull i keq dhe një sirenë alarmi për një rezultat të parashikuar katastrofik pasi anëtarësia voton, por nuk del rezultati i saj.

Vendos manipulimi, vendos abuzimi dhe skemat e vjetra të cilat kontrollohen nga individë të cilët nuk votohen më nga strukturat, por i manipulojnë ato dhe dikush që “vjedh” shtëpinë e tij, imagjinoni se çfarë mund të bëjë nesër.

Gjithsesi kjo sirenë alarmi është një moment që duhet të japë reflektim të madh në strukturat drejtuese të PD-së në qendër që duhet të kontrollojnë të gjithë këtë maskaradë të një procesi të falsifikuar brenda Partisë Demokratike. /CNA