Ndryshimi/ Rama jep urdhër: Kush do të sulmojë SPAK të lejë mandatin

2 Mars 2025, 20:43, Politikë CNA

Ndryshimi/ Rama jep urdhër: Kush do të sulmojë SPAK të

Ndryshim kursi në Partinë Socialiste. Kryeministri Edi Rama ka kërkuar që asnjë prej të tijve të mos sulmojë SPAK, ose nëse kërkon ta bëjë këtë atëherë le të lejë mandatin e deputetit. Ky ndryshim vjen pas një interviste të deputetit Etien Xhafaj, me këtë të fundit që sulmoi SPAK në lidhje me kryebashkiakun e Tiranës, Erion Veliaj.

Ndryshimi/ Rama jep urdhër: Kush do të sulmojë SPAK të

Nëpërmjet një mesazhi në Whatsapp, Rama ka bërë të qartë lëvizjen e radhës ku kërkon që asnjë prej të tijve të mos merret dhe të hedhë akuza ndaj drejtësisë. Mesazhi i Ramës i është shpërndarë deputetëve nga Elisa Spiropali.

Mesazhi i kryeministrit Rama:

Jam pa fjale! Me derguan nje interviste te Etienit nga youtube lidhur me Erionin! E paimagjinueshme se si nje deputet i Partise Socialiste mund te flase si ne kafene, si tifoz, duke bere nje avokati banale qe per me teper s’ndihmon askend hic fare, nderkohe qe s’ka asnje lidhje me qendrimin tone parimor per paraburgimin pa gjyq te kryebashkiakut te kryeqytetit!

A eshte i pafajshem a i fajshem Erioni apo kushdo tjeter, kete s’ia ka ngarkuar askush as PS, as mua e as Etienit natyrisht, qe ta thote ne mexhelis! Nese Etieni apo kushdo tjeter do te merret me avokati publike, le ta lere mandatin dhe le te thote cte doje pastaj ne cdo cep te kenetes mediatike! Une e quaj kete qe pashe nje mungese serioziteti, nje mendjelehtesi, nje humbje te demshme kohe, kur duhet te merremi te tere cdo minute me detyrat tona per nje fitore triumfale ne 11 maj!

Edhe njehere: Nuk dua te degjoj me asnje prononcim qe cenon pavaresine e Spakut lidhur me rastin a me rastet konkrete, me permbajtjen e akuzave a me pretendimet e te akuzuarve! STOP!

Mbeshtetja jone per Spakun mbetet e palekundur dhe kritikat tona parimore te mundshme, nuk jane as me kohe e pa kohe, as pune e kujt t’i teket nga deputetet ose perfaqesuesit e tjere te PS! Keshtu qe fokusohuni tek detyrat tuaja, ku nuk hyn gjekundi muhabeti i kafenese per drejtesine dhe lutem qe Elisa ta percjelle kete mesazh edhe tek grupi i deputeteve te qarqeve te tjera, meqe sjam ne ate chatgroup! /CNA