web counter
LEXO PA REKLAMA!

SHKARKO APP

App Store
Google Play

E fundit!

x

"Nuk kemi asgjë të përbashkët me ata që kanë vjedhur"/ Qori mohon aleancat

2 Tetor 2025, 22:33, Politikë CNA

"Nuk kemi asgjë të përbashkët me ata që kanë

Drejtuesi i Lëvizjes “Bashkë”, Arlind Qori i ftuar në MCN Tv i pyetur për kandidimin në zgjedhjet e pjesshme lokale, ka thënë se nuk do të bashkëpunojnë me asnjë parti tjetër.

Qori u shpreh se partia që ai drejton nuk ka të përbashkëta me ata që kanë vjedhur dhe që mbështesin oligarkinë.

Sa i përket lakimit të Redi Muçit si kandidat i mundshëm, Qori e mohoi një gjë të tillë dhe tha se Muçi po e bën shumë mirë detyrën e deputetit.

Duke u ndalur te emri që do të kandidojë Lëvizja “Bashkë” për zgjedhjet lokale, Qori tha se do të mblidhen në ditët në vijim dhe do të përcaktojnë kandidatin.

“Lëvizja Bashkë nuk do të bashkëpunojë me asnjë parti tjetër, nuk kemi asgjë të përbashkët me ata që kanë vjedhur Shqipërinë dhe që janë me oligarkinë ekonomike. Si do të bëjmë fushatë, ku unë të denoncoj oligarkët dhe ata marrin të mira nga oligarkët?

Redi Muçi nuk do të kandidojë për Tiranën sepse po e bën shumë mirë punën e tij si deputet. Në ditët në vijim do ta diskutojmë dhe do të përcaktojmë kandidatin tonë”, deklaroi Qori./CNA





Lajmet e fundit nga