web counter
LEXO PA REKLAMA!

SHKARKO APP

App Store
Google Play

E fundit!

x

Nga PL kapërceu te PS-ja/ Braimllari: Ja pse u pozicionova në krahun e socialistëve

25 Mars 2025, 15:57, Politikë CNA

Nga PL kapërceu te PS-ja/ Braimllari: Ja pse u pozicionova në krahun e

Endrit Braimllari pak kohë më parë braktisi Partinë e Lirisë për të kapërcyer te Partia Socialiste.

Në një intervistë, Braimllari tregoi se prej një viti nuk angazhohej në Partinë e Lirisë dhe zgjodhi të pozicionohej te PS-ja për hapjen e partisë dhe gjithëpërfshirjen.

Ai zbulon se shumë njerëz kanë tentuar ta ndalnin në pasionin e tij për politikën, por nuk kanë mundur.

“Kisha më shumë se një vit që nuk angazhohesha në PL. Zgjodha të pozicionohem në mbështetje të PS-së, e kam vendosur shumë më parë se të isha pjesë e ekipit të PS-së, dhe u bashkova pikërisht për hapjen e partisë, gjithpërfshirjen, që pasionin tim politik ta ushtroj aty. Unë politikën e kam pasion dhe nuk mund të më ndalte askush. Kanë tentuar ta bëjnë, por isha i vendosur në rrugën që do të ndiqja”, tha ai.

Ndër të tjera, Braimllari u shpreh se pas 11 majit Shqipëria do të ndahet nga politika e vjetër.

“Fushatë e paprecedentë. PS po shkon me një program për integrimin dhe kërkohet një votë masive. Zgjedhjet e 11 majit nuk mund të votohen mes dy kampeve, pra të majtë dhe të djathtë, por duhet një votë masive për integrimin e vendit në BE. PS ka një risi me përfshirjen e të rinjve në lista. PS është një makineri elektorale, një parti shumë e organizuar, që ka disiplinë dhe luan për fitoren e radhës. Fitorja e 11 majit për mua ka një simbolikë tjetër. Pra bëhet për të ndarë Shqipërinë nga politika e vjetër e baltës dhe alternativën e dërgimit të vendit përpara në BE”, tha ai./ CNA





Lajmet e fundit nga