web counter
LEXO PA REKLAMA!

SHKARKO APP

App Store
Google Play

Në qeli që prej një viti/ Maliqi: Ilir Meta kontrollon ushqimin në burg

18 Shtator 2025, 19:22, Politikë CNA

Në qeli që prej një viti/ Maliqi: Ilir Meta kontrollon ushqimin

Ish-deputeti, Lefter Maliqi komentoi sot lidhur me disa emra të politikës që ndodhen në burg.

Në një dalje televizive, Maliqi përmendi ndër të tjera rastin e ish-presidentit Ilir Meta.

Duke folur për situatën e Metës në burg, Maliqi tregoi se kreu i Partisë së Lirisë kontrollon ushqimin që konsumon në qeli.

 “Meqënëse kam qenë zv/drejtor i përgjithshëm i burgjeve, por edhe drejtues policie, meqënëse kam njohje të vjetra me z.Meta, Ilir Meta asnjëherë nuk i është trembur drejtësisë. Arrestimi i tij, për mua, është politik, ishte një arrestim anti-ligjor. Arrestime të tilla bëhen vetëm për kriminelë të rrezikshëm.

Sigurisht që z.Meta e kontrollon ushqimin, unë kam thënë i pari që ushqimi duhet kontrolluar. Sepse në burgjet e sigurisë së lartë, ju e patë që në Peqin u vra një i burgosur. Ministri Manja tha që e kanë hedhur me dron. Doli tani që është hedhur pjesë-pjesë pistoleta në ushqim apo pako të ndryshme. Por për mua ka qenë një mirëorganizim i brendshëm i burgut dhe një eliminim me pagesë, dhe i iku jeta tjetrit. Imagjino tani në ushqim që duhet të jenë të kontrolluara. Të gjithë këta e kontrollojnë ushqimin, i dini deklaratat e Arben Ahmetajt i cili tha po të isha në burg unë sot nuk do isha mirë. Probleme me shëndetin ka pasur edhe Beqja, probleme me shëndetin ka pasur edhe z.Veliaj.

Ndaj z.Meta është shumë e tepruar. Imagjino, i ndalonin dhe takimin me fëmijët. Nuk lejohen 2 por duhet 1 fëmijë. I ndalohet deputetit që e ka me ligji deputeti kur bën kërkesën për të vajtur për takim në paraburgim. Se po nuk pate besim te deputeti imagjino tani çfarë shteti je. I kanë ndaluar pothuajse dhe ushqimet me raste apo heqjen e telefonit, kontrolle sikur të ishte ndonjë kriminel, i bëjnë kontrolle herë pas here, forcat speciale të DAP-it që janë pranë Drejtorisë së Përgjithshme të Burgjeve. Këto janë veprime hakmarrëse, primitive, dhe kur bëhen ndaj një personi që ka drejtuar shtetin, qeverinë, parlamentin dhe drejton forcën e dytë opozitare, imagjinoni çfarë ndodh me qytetarët e thjeshtë.

Për mua, Meta mbahet në arrest në burg politikisht, sepse edhe po të jetë i lirë ai nuk i shmanget drejtësisë, nuk largohet. I kishin thënë me kohë që largohu dhe nuk largohej. Besojmë dhe shpresojmë që betejën do ta çojë deri në fund, do dalë nga burgu”,-tha Maliqi./CNA

 





Lajmet e fundit nga