web counter
LEXO PA REKLAMA!

SHKARKO APP

App Store
Google Play

Rama i “tërheq veshin” opozitës/ Mesazhi i dytë paralajmërues

18 Shtator 2025, 11:28, Politikë CNA

Rama i “tërheq veshin” opozitës/ Mesazhi i dytë

Kryeministri Edi Rama ka reaguar sërish pas situatës tensionuese në Kuvend duke thënë se do t’i vihen kufij kujtdo që përdor duart, këmbët dhe trupin si argument dhe si alternativë opozitare.

Kryeministri thekson se shkelja e atij kufiri për të vazhduar avazin e traditës antidemokratike të pengmarrjes së Kuvendit, do të çojë automatikisht në hapjen e procesit të votimit dhe përfundimin e parakohshëm të seancës.

“83 mandatet e 11 majit për ne janë, ndër të tjera, edhe një detyrim për të respektuar zgjedhësit e palës tjetër, duke u dhënë përfaqësuesve të tyre në Kuvend të gjithë hapësirën për të folur, po edhe një detyrim ndaj zgjedhësve tanë për t’i vënë një kufi të pakalueshëm kujtdo që përdor duart, këmbët, trupin si argument dhe zhurmën e sharjet e rrugës si alternativë opozitare. Mjafton që të respektohet ai kufi, i cili është kufiri etik i çdo Parlamenti të Bashkimit Europian dhe opozita do të ketë, e papenguar, të gjitha hapësirat e saj në sallën e Kuvendit apo në komisionet parlamentare. Ndërsa shkelja e atij kufiri për të vazhduar avazin e traditës antidemokratike të pengmarrjes së Kuvendit, do të çojë automatikisht në hapjen e procesit të votimit dhe përfundimin e parakohshëm të seancës.

Bashkëngjitur fjala e parë e Diellës në Kuvendin e Shqipërisë, e cila u transmetua nga monitorët e sallës, ndërkohë që çka nuk arrita dot të them, ndër të tjera, ishte se me shumë gjasë, brenda vitit të parë të legjislaturës, Diella do të jetë edhe fizikisht e pranishme në tryezën e qeverisë”, tha Rama./ CNA





Lajmet e fundit nga