web counter
LEXO PA REKLAMA!

SHKARKO APP

App Store
Google Play

“Opozita ka një stres të madh”/ Sula: Demokratët në vështirësi për një kandidat për Bashkinë Tiranë

18 Shtator 2025, 18:24, Politikë CNA

“Opozita ka një stres të madh”/ Sula: Demokratët

Ish-deputeti, Dashnor Sula tha sot në një dalje televizive, se problemi më i madh i opozitës është zvogëlimi i saj si alternativë politike, për shkak të mungesës së shumë figurave në Kuvend.  

 “Shumë figura të PD duhet të ishin në Kuvend. Demokratët po çojnë ujin te mulliri i Ramës. Jam i keqardhur për situatën në parlament. Për 2 ditë e 2 netë, opozita duhet ta kishte analizuar mirë programin e qeverisë. Opozita ka një stres të madh, po zvogëlohet përditë. Njerëzit nëpër rrugë apo nëpër bazë e kuptojnë situatën",-deklaroi Sula. 

Sula u shpreh edhe lidhur me kandidatin e mundshëm nga opozita për Bashkinë e Tiranës, që e quajti një detyrë të vështirë për tu marrë përsipër nga demokatët, pasi preferojnë luksin dhe pushimet.

“Nuk e merr kush përsipër që të kandidojë për kandidat në Bashkinë e Tiranës. Sali Berisha afër ka Flamur Nokën dhe Albana Vokshin. Këta duan luks, pushime. Opozita është puna në bazë, takon njerëzit në bazë. Berisha nuk thërret protestë sepse nuk vijnë më njerëzit. Sali Berisha i mblidhte shumë vetë më herët, sepse kishin akoma shpresë, por tani nuk kanë më shpresë që PD vjen më në pushtet”,-tha Sula./CNA





Lajmet e fundit nga