web counter
LEXO PA REKLAMA!

SHKARKO APP

App Store
Google Play

Berisha “dhëmbë për dhëmbë” me Ramën: Ai tregoi fytyrën e tij, ne do të tregojmë betejën

18 Shtator 2025, 11:34, Politikë CNA

Berisha “dhëmbë për dhëmbë” me Ramën:

Kreu i PD-së, Sali Berisha, i është përgjigjur dhëmbë për dhëmbë paralajmërimit të kryeministrit Edi Rama.

Në mbledhjen me grupin parlamentar të PD-së, Berisha tha se ai tregoi fytyrën e tij, ndërsa opozita do të tregojë betejën e saj për të drejtën, për Kushtetutën, për qytetarin.

Lideri i demokratëve e quajti situatën të jashtëzakonshme dhe opozita do të duhet të kalojë në veprime.

“Ne duhet të kalojmë në veprime, veprime dhe vetëm veprime. Ai nuk humb kohë ndaj nesh, ai tregoi fytyrën e tij ne do të tregojmë betejën tonë, për të drejtën, Kushtetutën, për qytetarin. Situata është e jashtëzakonshme. Asnjë shqiptar nuk përfytyronte se ky bastard i xhelatëve komunistë mund të sillej sot ndaj Parlamentit në këtë mënyrë. Ju ftoj të vendosim për përgjigjen që do t'i japim këtij akti të pashembullt, këtij akti që tejkalon dhe imagjinatën më të sëmurë përveç imagjinatës së tij të cilën e kishte të përgatitur se e paralajmëroi disa herë që do të votojmë po nuk dëgjuat Diellën. Në bashkëfajësi është dhe presidenti që i dha levën për këtë qëllim”, tha Berisha./ CNA





Lajmet e fundit nga