E fundit!

09:23 Aktualitet

Zbatimi i Aministisë Penale/ Dhjetëra të dënuar lënë burgjet në Korçë

Ka nisur zbatimi i Amnistisë Penale në institucionet e vua...

“Diktaturë parlamentaro-virtuale”/ Këlliçi: Votimi i programit qeverisës në 25 minuta, akt i paprecedentë

18 Shtator 2025, 12:49, Politikë CNA

“Diktaturë parlamentaro-virtuale”/ Këlliçi: Votimi

Deputeti i PD-së, Belind Këlliçi, e ka quajtur një akt të paprecedentë votimin e programit qeverisës në 25 minuta.

Në reagimin e tij Këlliçi thekson se debati parlamentar u zëvendësua me lodrën inteligjente artificiale të Ramës, e cila përveçse shkallmon parlamentarizmin dhe bazat e demokracisë, tregon për mentalitetin thellësisht autokratik dhe totalitar të Edi Ramës.

Këlliçi nënvizon se demokracia nuk mund të zëvendësohet me Diellën dhe se fjala e lirë nuk është aplikacion patronazhistësh, por vullnet i pashantazhueshëm.

Ai e ka quajtur qeverinë diktaturë parlamentaro-virtuale.

“Diktaturë parlamentaro-virtuale! Deshët demokracinë?! Ju dhashë Diellën!

Akti i paprecedentë i paraqitjes së programit dhe ekipit qeverisës për vetëm 25 minuta dhe zëvendësimi i debatit parlamentar me lodrën e inteligjencës artificiale të Ramës, përveçse shkallmon parlamentarizmin dhe bazat e demokracisë, tregon për mentalitetin thellësisht autokratik dhe totalitar të Edi Ramës.

Në vend të llogaridhënies, procedurës demokratike, përballjes me të vërtetat e deputetëve të opozitës dhe qytetarëve shqiptarë, ai zgjedh provokimin dhe shpërfilljen ndaj çdo norme themelore të Republikës.

Vizioni i tij i sëmurë i shtetit personal nuk toleron asnjë zë kundër dhe nuk u jep hapësirë as fizike kundërshtarëve politikë të afirmojnë qëndrimet apo identitetin e tyre politik.

Mirëpo demokracia nuk mund të zëvendësohet me Diellën, fjala e lirë nuk është aplikacion patronazhistësh, por vullnet i pashantazhueshëm.

Deputetët nuk janë profile rrjetesh sociale që mund të bllokohen sipas humorit të ditës.

Partia Demokratike ka qenë gjithmonë e qartë mbi karakterin thellësisht diktatorial dhe praktikat e çmendura të Edi Ramës.

E ndryshmja është që nga sot, janë të qartë të gjithë shqiptarët”, deklaron Këlliçi./ CNA