web counter
LEXO PA REKLAMA!

SHKARKO APP

App Store
Google Play

Ndërtohet rruga që lidh dy fshatra/ Veliaj: Do të sjellë njerëz që duan të dalin në pension

18 Shkurt 2024, 11:54, Politikë CNA
Ndërtohet rruga që lidh dy fshatra/ Veliaj: Do të sjellë
Kryebashkiaku i Tiranës, Erion Veliaj

Bashkia e Tiranës ka përfunduar ndërtimin e rrugës së re që lidh fshatin Shëngjin me fshatin Shën Mëri në Shëngjergj.

Përfundimi i punimeve u ndoq nga afër nga kryebashkiaku i Tiranës, Erion Veliaj dhe deputeti i PS-së, Xhemal Qefalia, të cilët theksuan se përmirësimi i infrastrukturës sjell rigjallërimin e zonave rurale.

“Nëse shikon cilësinë se si është punuar këtu, nuk dallon fare nga punët që bëhen në qytet. Kjo është provë e standardit të barabartë. Edhe rruga e re e Krrabës solli jetë. Rruga sjell mundësi dhe unë besoj se do të rikthejë jo vetëm njerëzit që i kanë rrënjët e tyre në fshat, por jam i sigurt se do të sjellë njerëz nga qyteti që, ose duan të dalin në pension këtu, ose të hapin një agroturizëm, ose të investojnë në tokat e fshatit. Kur bëmë rrugën e re të Qehasë, atëherë nuk kalonte njeri, ndërkohë sapo mbaroi rruga, metri katror shkoi nga 10-15 mijë lekë në 100-120 euro”, tha Veliaj.

Ai deklaroi se në planet e Bashkisë së Tiranës është edhe rigjallërimi i jetës në fshatra, me aktivitete të shumta social-kulturore.

“Befas rruga kthehet në një mundësi të shumëfishtë, që krijon ekonomi për fshatin. Na duhet të kapim kohën e humbur. Kemi pasur 30 vite letargji, njerëzit kanë ikur dhe ekonomia rurale është reduktuar, kështu që tani na duhet ta shtojmë. Një nga planet tona është të sjellim jetë në këto komunitete. Pra, fillimisht rrugë dhe infrastrukturë, pastaj siç kemi bërë 'Festën e Domates', 'Festën e Vreshtit' apo 'Festën e Vajit', e kështu do të gjejmë edhe për fshatin Shën Mëri një arsye që të kthejmë njerëzit këtu”, nënvizoi Veliaj.

Kreu i Bashkisë u shpreh se shembujt e suksesit janë të shumtë, sikurse Farka dhe Dajti./ CNA





Lajmet e fundit nga