web counter
LEXO PA REKLAMA!

SHKARKO APP

App Store
Google Play

E fundit!

x

Ndarja e Komisionit të Ligjeve dhe Komisionit për Nismat qytetare/ Balla: I dhamë Kuvendit dy sy për raportimet

30 Shtator 2025, 11:40, Politikë CNA

Ndarja e Komisionit të Ligjeve dhe Komisionit për Nismat qytetare/

Kreu i grupit të PS-së, Taulant Balla, u shpreh se ndarja e Komisionit të Ligjeve dhe Komisionit për Nismat Qytetare është bërë në mënyrë që Kuvendi të ketë dy sy për të parë raportimet që bëhen në këtë institucion nga institucione të tjera.

“Ia kam shpjeguar në konferencën e kryetarëve opozitës, se këta që luftojnë për më shumë hapësirë nuk mbajnë më shumë se dy orë pune dhe ikin. Kuvendi ka miratuar ndryshime në nenin 19. Për herë të parë kemi ngritur një komision për nismat qytetare.

Dua të ftoj të gjithë qytetarët që Kuvendi ka një mundësi, një derë dhe adresë ku çdo qytetar që ka një problematikë me një institucion të caktuar, kanë një çështje për të ngritur. Tani kanë një derë ku çdo nismë mund të depozitohet dhe do të ndiqet me kujdes dhe prioritet. Kuvendi i ka dhënë detyrën komisionit për të monitoruar edhe rezolutat.

Më në fund kemi një komision që rezolutat të mos jenë copa letre që miratohen dhe nuk dihet ça ndodh, por kemi një komision që do të ndjekë këtë proces.

Unë personalisht si kryetar grupi në 3 legjislatura mund të them se historia e raportimeve në Kuvend lë shumë për të dëshiruar. Uroj që legjislatura e re të fillojë një qasje të re.

Nuk po them që Komisioni i Ligjeve nuk e ka bërë punën, por është më mirë që kjo të shihet me dy sy. I kemi vënë Kuvendit dy sy për të parë këtë çështje.

Do të fillojmë të mendojmë një qasje të re, një nga kryetarët e grupeve të opozitës ka qenë pozitiv për propozimin për të riparë mënyrën e raportimit neni 102-103 duhen riparë për të bërë raportimin më të plotë”, tha Balla./ CNA





Lajmet e fundit nga