Bylykbashi: Komisioni i Ligjeve, furrë që brenda 5 minutash nxjerr ligje në dëm të interesit publik

30 Shtator 2025, 11:08, Politikë CNA

Bylykbashi: Komisioni i Ligjeve, furrë që brenda 5 minutash nxjerr

Oerd Bylykbashi në Komisionin e Ligjeve ka deklaruar se barra e Komisionit të Ligjeve është e madhe, por jo aq sa për të qenë një furrë për të nxjerrë brenda 5 minutash ligje, të cilat shkojnë në dëm të interesit publik.

Bylykbashi theksoi se ky komision ka për detyrë t’i shërbejë interesit publik dhe jo interesit të kryeministrit, jo interesit të grupeve dhe klientëve të kryeministrit.

“Barra e Komisionit të Ligjeve është barrë e madhe, por jo aq sa për të qenë një furrë që nxjerr brenda 5 minutash ligje, të cilat shkojnë në dëm të interesit publik.

Ky komision ka për detyrë t’i shërbejë interesit publik dhe jo interesit së kryeministrit, jo interesit të grupeve dhe klinetëve të kryeministrit. E kemi për detyrë ne si opozitë që të bëjmë këtë betejë deri në sekondën e fundit që ky komision të ketë në themel zbatimin e ligjit. Komisioni i ligjeve ka treguar se nuk e ka kryer këtë detyrë. Kanë lënë ligjet të kalojnë në kundërshtim me Kushtetutën”, tha Bylykbashi.

Më tej ai theksoi se procesi për integrimin në BE nuk duhet të përdoret dhe nuk duhet të abuzohet me kalimin e ligjeve pa kontestim në kundërshtim me procedurën dhe Kushtetutën.

“E gjitha kjo ka qenë në dëm të interesit publik dhe shpesh kanë kaluar ligje që cenojnë të drejtat e njeriut. Ajo që do të bëjmë ne si opozitë që në agjendë të fusim interesin për integrimin në BE që nuk duhet të abuzohet në aspektin e ligjeve pa kontestim në kundërshtim me procedurën dhe Kushtetutën ashtu siç kanë kaluar vazhdimisht ligjet në të shkuarën në këtë komision. Është e papranueshme që me integrimin në BE të abuzohet dhe përdoret për interesa korruptive. Unë gjykoj se është detyra juaj dhe e komisionit që në zbatim të rregullores që ka thyer rregullat e konsensusit në zbatim, e cenuan rëndë këtë model të vendosur me herët, kemi detyrë që procesi legjislativ të jetë hapësirë që respekton hapësirën e çdo deputeti ne përfaqësojmë interesat e elektoratit”, deklaroi Bylykbashi.