web counter
LEXO PA REKLAMA!

SHKARKO APP

App Store
Google Play

Mbyllja e “TikTok”-ut/ Balla: Nuk ishte reagim i nxituar, platforma nuk përmbush detyrimet

24 Dhjetor 2024, 11:58, Politikë CNA
Mbyllja e “TikTok”-ut/ Balla: Nuk ishte reagim i nxituar, platforma
Ministri i Shtetit për Marrëdhëniet me Parlamentin, Taulant Balla

Ministri i Shtetit për Marrëdhëniet me Parlamentin, Taulant Balla, reagon për debatin në lidhje me mbylljen e “TikTok”-ut.

Balla deklaron me anë të një statusi në rrjetet sociale se ndalimi i “TikTok”-ut për të paktën një vit në Shqipëri nuk është një reagim i nxituar.

Balla thotë se ngjarjet e rënda që shërbyen si “kambana alarmi” për të shmangur tragjedi që e kanë zanafillën nga talljet, shantazhet dhe abuzimi në rrjete sociale.

“Sa herë ka ndodhur një ngjarje e rëndë me humbje jete të personave të shantazhuar, bullizuar, dhunuar online, në këto banaqet e darkës gara mes të ftuarve ka qenë kush t’i gjejë defektet dhe ngrejë akuza ‘TikTok’-ut”, shkruan Balla në mesazhin e tij në “Facebook”, ndërsa kujton vetëvrasjen e një të reje në Kamëz, për të cilën u arrestua Altin Çoku, një person me precedentë, i njohur në “TikTok”.

“Është fakt se kjo platformë nuk e përmbushi detyrimin që mori përsipër për moderimin e postimeve në gjuhën shqipe, rritjen e vigjilencës kundër dhunës, kundër shantazheve, kundër gjuhës së urrejtjes online dhe forcimin e kontrollit prindëror mbi postimet e fëmijëve. Sonte po shoh t’i qajnë hallin ‘TikTok’-ut, aspak viktimave. Nuk çuditem. Ndalimi i ‘TikTok’-ut për (të paktën) një vit në Shqipëri, nuk është një reagim i nxituar ndaj thjesht një ngjarjeje, por një vendim i duhur që gëzon mbështetjen e një shumice dërrmuese mes komuniteteve të prindërve dhe shoqërinë shqiptare”, deklaron më tej Balla./ CNA





Lajmet e fundit nga