web counter
LEXO PA REKLAMA!

SHKARKO APP

App Store
Google Play

E fundit!

x

"Policia mashtroi opinionin publik"/ Bardhi: Dolën zbuluar, u konfirmuan autorët e vërtetë të dhunës

23 Dhjetor 2024, 21:02, Politikë CNA
"Policia mashtroi opinionin publik"/ Bardhi: Dolën zbuluar, u
Kreu i grupit parlamentar të Partisë Demokratike, Gazment Bardhi

Kreu i grupit parlamentar të Partisë Demokratike, Gazment Bardhi ka dënuar deklaratën e policisë, të cilët mohuan të kenë ushtruar dhunë ndaj deputetit Agron Gjekmarkaj.

Pasi vizitës në spital, Bardhi gjatë një prononcimi për mediat theksoi se deklarata e policisë ishte manipuluese.

Sipas Bardhit, nga ajo deklaratë zbulohen edhe autorët e vërtetë që kanë urdhëruar dhunën ndaj protestuesve dhe përfaqësuesve të Partisë Demokratike.

Ndër të tjera, Bardhi pranoi që policia ka ushtruar dhunë edhe ndaj shumë protestuesve dhe përfaqësuesve të opozitës, por nuk janë në atë gjendje për mjekim.

Gjendja e Agron Gjekmarkajt paraqitet stabël, pohoi Bardhi.

"Dënoj me forcë deklaratën manipuluese të policisë së shtetit që në vend që të hetojë punonjësit e policisë për dhunën që ushtruan ndah deputetit, dalin dhe mashtrojnë opinionin publik që Gjekmarkaj humbi ndjenjat se u ndje keq.

Policia s’ka pyetur as për Gardën por ka ushtruar dhunë të pashembullt ndaj një qytetari të paqtë.

Për këtë arsye, përmes kësaj deklarate mësuam edhe autorët e vërtetë të këtij akti të shëmtuar.

Kjo është përgjegjësi e Drejtorit të Policisë dhe ministrit të Brendshëm që të marrë masa për dhunën e ushtruar ndaj deputetit të Parlamentit të Shqipërisë.

Dolën zbuluar, por do marrin përgjigjen e merituar.

Gjendja e Gjekmarkajt është stabël dhe nën kontroll.

Të gjithë jemi dhunuar nga policia, por gjendja jonë nuk është e atillë që të marrim mjekim.

Ai nuk është ende në gjendje të japë sqarime për atë çfarë ka ndodhur, ai konfirmoi se ka patur një presion dhe dhunë në zonën ku ndodhej."/CNA

 





Lajmet e fundit nga