web counter
LEXO PA REKLAMA!

SHKARKO APP

App Store
Google Play

E fundit!

x

Protesta e opozitës/ Ilir Meta dënon nga qelia dhunën ndaj qytetarëve

23 Dhjetor 2024, 20:47, Politikë CNA
Protesta e opozitës/ Ilir Meta dënon nga qelia dhunën ndaj
Ilir Meta

Kreu i Partisë së Lirisë, Ilir Meta ka reaguar nga qelia për protestën e opozitës.

Në një postim në “Facebook”, Ilir Meta deklaroi se kjo ishte një ditë e jashtëzakonshme për shqiptarët dhe u shprehu mirënjohje qytetarëve për pjesëmarrjen.

Në shkrimin e tij, Meta dënoi dhunën e ushtruar nga policia ndaj protestuesve, ku u shpreh se këto veprime janë tregues të panikut të Edi Ramës.

"Një ditë e jashtëzakonshme për shqiptarët! Mirënjohje qytetarëve zemërluanë dhe të pamposhtur që e shndërruan sonte Mosbindjen Civile në uraganin e Lirisë për Tiranën dhe të gjithë Shqipërinë.

Dhuna kriminale e narkopolicisë ndaj drejtuesve të opozitës dhe qytetarëve paqësorë, rrëmbimet e tyre banditeske dhe arrestimet e paligjshme janë tregues i panikut të Edi Ramës që po jep shpirt, por edhe i fundit të Narkoregjimit që po rrokulliset me shpejtësi drejt fundit të pashmangshëm.

Dënoj me ashpërsinë më të madhe raprezaljet policore dhe u kujtoj të gjithë banditëve me uniformë që shkelin ligjin për llogari të Edi Ramës se do ta kenë personale me opozitën.

Mosbindja civile dhe protestat e fuqishme nuk do të ndalen!"/CNA





Lajmet e fundit nga