web counter
LEXO PA REKLAMA!

SHKARKO APP

App Store
Google Play

Berisha: Veliaj, një kufomë politike

23 Dhjetor 2024, 18:36, Politikë CNA
Berisha: Veliaj, një kufomë politike
Kryetari i Partisë Demokratike, Sali Berisha

Kryetari i Partisë Demokratike, Sali Berisha, e cilësoi kryebashkiakun e Tiranës, Erion Veliaj, një kufomë politike.

Gjatë fjalës së tij para protestuesve në pikën para Bashkisë së Tiranës, Berisha tha se Veliaj është vjedhësi më i madh që ka njohur kjo bashki.

Ai deklaroi se qytetarët i kanë dhënë Veliajt atë që meritonte.

“Erdha për të përshëndetur këta qytetarë e qytetare, për të përshëndetur drejtuesit e PD, të cilët në një betejë epike, e shndërruan në kufomë politike vjedhësit më të madh që ka njohur Bashkia e Tiranës në historinë, Erion Veliajn.

Në 43 gradë në të nxehtë, dhe në të ftohtë në shi, i dhatë hajdutit atë që meritonte. E diskredituat, e bëtë atë të ikë si mi nga një krah në një krah tjetër, dhe nuk di se ku është.

U garantoj se, kjo protestë e juaja, kjo mosbindje civile e juaja para Bashkisë së Tiranës, do të rezonojë në vite e vite si beteja më e fuqishme kundër vjedhjes së qytetarëve, si beteja më e fuqishme për rikthimin e shtëpisë së parë të qytetarëve të Tiranës.

Ju, e keni përmbushur misionin tuaj, por prap do të vini gjersa ta nxirrni prej leckash dhe ta varim në shtyllën e turpit të kombit shqiptar. Aty do të varet, aty do e varim. Po, po, se e meriton”, theksoi kreu i PD-së./ CNA





Lajmet e fundit nga