E fundit!

16:22 Aktualitet

Vrasja e policit në Maliq/ Hita: Nëse DVP Korçë do kishte kërkuar ndihmë do ishin marrë masa më të forta

Kreu i Policisë së Shtetit Skënder Hita ka zbarkuar në Kor...

“Masë absurde e turravrapit të SPAK-ut”/ Rama për Ballukun: Ndër më të votuarat në PS

9 Mars 2026, 11:07, Politikë CNA

Kryeministri Edi Rama mbajti sot fjalën e tij në mbledhjen e Grupit Parlamentar të PS-së, që rrëzoi kërkesën e SPAK-ut për heqjen e imunitetit të ish-zëvendëskryeministres Belinda Balluku.

Sipas Ramës, bëhet fjalë për një masë absurde dhe një proces që nuk ka ndodhur askund në botë, që e cilësoi si një veprim të nxituar nga ana e Prokurorisë së Posaçme.

Kryeministri u shpreh se Balluku është një ndër deputetet më të votuara të mazhorancës, teksa u ndal edhe te sfidat e sektorit të dyfishtë që drejtoi Balluku prej rreth 6 vitesh.

“Sot jemi këtu që të shpallim publikisht qëndrimin tonë. Ndaj saj është ngritur një akuzë, jo për vjedhje, jo për korrupsion a gjësendi tjetër të lidhur me flagrancën, por vetëm për dyshimin e arsyeshëm se në postin e ministres ka kryer veprën e ‘pabarazisë në tenderë publikë’. Si rëndom, përmes korrierësh që hyjnë e dalin në dyert e stacionit të trenit si gjellë qensh. Masë absurde, që siç e kemi shpjeguar më parë pezulloi pjesërisht personin e jo funksionin. Nuk ka ndodhur në asnjë vend tjetër në botë një budallallëk i këtij lloji. Kërkesa që erdhi sot është turravrapi i dytë, për të autorizuar ose jo arrestin e një deputeti, që do ta flas konkretisht. Mjaftoi që ndaj Ballukut të ngrihen të gjitha dallgët që ziejnë pa pushim në 700 tenxheret e pushtetit publik dhe fantazitë perverse në rrjetet sociale. Ora e shumëpritur nga Berisha. Ndërkohë që Balluku u kthye në ‘shtrigën’ që duhet djegur në turrën e druve, unë pikërisht sot dua t'u them shqiptarëve se ndryshimin epokal që do të zhvillojë në sektorin e infrastrukturës nuk e sollën paratë, askush e asgjë tjetër përpos votës për këtë parti, qeverinë e kësaj partie, ku bën pjesë edhe Balluku, si një një ndër njerëzit tanë më të votuar, që për 6 vite me radhë punoi pa orar e rezervë për të realizur objektivat ambiciozë në këta dy sektorë që e kanë vuajtur gjatë të kaluarën historike”,-tha Rama./CNA