web counter
LEXO PA REKLAMA!

SHKARKO APP

App Store
Google Play

E fundit!

x

Mandati i Xhaçkës/ Këshilli për Legjislacionin i lë 3 javë kohë ekspertit t’u përgjigjet pyetjeve të anëtarëve

2 Qershor 2023, 16:05, Politikë CNA

Mandati i Xhaçkës/ Këshilli për Legjislacionin i lë 3

Ditën e sotme është mbledhur Këshilli për Legjislacionin për mandatin e ministres së Jashtme, Olta Xhaçka.

Këshilli për Legjislacionin i la kohë 3 javë ekspertit Krenar Loloçi për t’iu përgjigjur pyetjeve të anëtarëve të Këshillit për vendimin e Gjykatës Kushtetuese.

Deputetët e PS-së dhe PD-së i drejtuan një sërë pyetjesh ekspertit, ndërsa Enkelejd Alibeaj dhe Gazment Bardhi hodhën akuza ndaj mazhorancës.

Bardhi deklaroi se mazhoranca po e zvarrit procesin me qëllim për të mos zbatuar vendimin e Gjykatës Kushtetuese.

“Siç e kemi paralajmëruar është thjesht strategji për të zvarritur zbatuar vendimin e Gjykatës Kushtetuese, strategji për të marrë në mbrojtje ministren Olta Xhaçkën. Thatë se do e zgjidhnit vetë ekspertin, duhet të bëni publik emrin e tij. Na japin leksione për Reformën në Drejtësi dhe në një sprovë për të zbatuar vendimin e gjykatës, ju po e zvarrisni. Kanë marrë dhe dy muaj kohë pushim, sot kanë ndryshuar atë çfarë kanë thënë herën e kaluar.

Do marrin dhe 3 muaj kohë se do thonë eksperti ka shumë punë. Tallje e marre me gjykatën dhe Kushtetutën, zvarritje e procesit. Nëse keni vendosur ta sfidoni gjykatën duhet ta bëni vetëm. Nuk ka çfarë të përmirësojë kuvendi në ligjet e reformës në drejtësi kur ju talleni me vendimin e gjykatës kushtetuese. Nuk jemi ne që vendosim nëse Xhaçka ka shkelur Kushtetutën, por Gjykata kushtetuese. Keni një vit që po e zvarritni çështjen. Është absurd kjo që po bëni, zbatoni vendimin e Gjykatës Kushtetuese”, theksoi Bardhi./ CNA.al





Lajmet e fundit nga