web counter
LEXO PA REKLAMA!

SHKARKO APP

App Store
Google Play

Berisha zbulon “prapaskenat”/ Endri Fuga i bleu bluzë kaki Lulzim Bashës

1 Qershor 2023, 22:43, Politikë CNA
Berisha zbulon “prapaskenat”/ Endri Fuga i bleu bluzë kaki
Sali Berisha dhe Lulzim Basha

Kryetari i Partisë Demokratike, Sali Berisha, është pyetur sërish në lidhje me rikthimin e Lulzim Bashën në skenën politike, pas humbjes së thellë të opozitës në zgjedhje.

Berisha tha se pas Lulzim Bashës fshihet Endri Fuga, i cili i tregon si të sillet dhe të flasë në publik.

Ai pretendon se Fuga i bleu kreut të dorëhequr të PD-së një bluzë kaki, që ky i fundit të dalë para publikut si presidenti ukrainas, Volodymyr Zelensky.

“Është veshur si Zelensky, atë e marketon Endri Fuga. Vajti i bleu bluzë kaki. Ai lexon ato që i jep zyra e Fugës. Atë e komandon Rama, nuk ka punë me mua ai. Dil i thotë Fuga, thuaj që jam si Zelensky dhe del ai.

Nuk kisha parti në këto zgjedhje. Një proces ishin primaret, por nuk kisha as emrin, as partinë, as vulën, etj. Shitja e zgjedhjeve ka qenë se Edi Rama bleu mandatet dhe ai nuk luftoi.

Do ketë një lëvizje të fuqishme popullore për rikthimin e votës së lirë në Shqipëri. Kjo do ndodhë padiskutim. Demokratët do na ndjekin se janë njerëz idealistë. Në kushtet më të veçanta u mblodhën mbi 500 mijë idealistë. Ekzistojnë gjysmë milionë idealistë të gatshëm të sakrifikojnë për votën”, theksoi ish-kryeministri./ CNA.al





Lajmet e fundit nga