web counter
LEXO PA REKLAMA!

SHKARKO APP

App Store
Google Play

E fundit!

x

Berisha i bën thirrje KQZ-zë së vet që merrka urdhra nga Rama!

1 Qershor 2023, 17:03, Politikë CNA
Berisha i bën thirrje KQZ-zë së vet që merrka urdhra nga
Ish-kryeministri Sali Berisha

Sot, papritur Sali Berisha doli t’i thërrasë KQZ-së për Kamzën.

Ish-kryeministri Sali Berisha ka dalë publikisht dhe ka kërkuar që në emër të transparencës, KQZ t’i dorëzojë dokumentet që disponon për farsën zgjedhore në Kamëz dhe bashki të tjera.

Pasi kërkoi dokumentat nga KQZ, Berisha tha se ai ka dokumente se farsa në Bashkinë e Kamzës ka qenë kryekëput antikushtetuese.

Po çfarë dokumentash po thërret që t'ja japin kur ai vetë thotë që paska dokumenta?

Enigma bëhet më e madhe kur Berisha deklaron se KQZ-ja ka marrë urdhra nga Rama për të mos dorëzuar dokumentet e kërkuara nga pala e interesuar.

Po Berishës kush ja paska dhënë dokumentat duke mos ju bindur urdhrit të Ramës?

Berisha i bën thirrje KQZ-zë së vet që merrka urdhra nga

Berisha thotë se disponon dokumenta të pakundërshtueshme, por ai vetë ato dokumenta nuk i bën publike.

Edhe atë e ndalon Rama që t’i publikojë?

Pse Berisha që deklaron se paska dokumenta të pakundërshtueshme për farsën e Kamzës, nuk ja dorëzon ato dokumenta Berishës që i thërret KQZ-së, që t’i dorëzojë dokumentat që vërtetojnë farsën e Kamzës?

Sali Berisha në KQZ ka 2 persona që janë emëruar në atë detyrë me vullnetin e drejtpërdrejtë të Berishës.

Sali Berisha midis 3 kandidaturave për Komisioner Shtetëror të Zgjedhjeve zgjodhi Komisionerin aktual, Zotin Celibashi.

Sali Berisha kërkoi dhe krijoi hapësirën ligjore që PD të ishte pjesë në thelat e tenderave të teknologjisë duke hapur postin e Zëvendëskomisionerit.

Ky post prej gati 4 vjetësh mbahet nga Zonja Pelingu!

Kujt i thërret Berisha?

Lexoheni me kujdes thirrjen e Berishës!

Midis thirrjes, Berisha deklaroi se nuk njeh zgjedhjet. Po paralajmëron apo po teston bojkotin e radhës?

A po paralajmëron (teston) ai refuzimin e marrjes së mandateve nga këshilltarët bashkiak të opozitës?

Si është i sigurt që ata do ja dëgjojnë thirrjen?

Berisha sapo na tha që përshembull Zonjën Pelingu e urdhroka Rama dhe jo më ai vetë?

Sa kohë ka që Rama urdhëron zonjën Pelingu dhe kur e kuptoi Berisha që edhe Pelingun ja urdhëroka Rama?

“Jam këtu për t’i bërë thirrje KQZ-së që në emër të transparencës të dorëzojë çdo dokumentacion që disponon për farsën e tmerrshme zgjedhore, në Kamzë dhe më pas në bashkitë e tjera.

Ne disponojmë dokumente të pakundërshtueshme se farsa në Bashkinë e Kamzës ka qenë kryekëput antikushtetuese, dhe në kundërshtim flagrant me parimet e kushtetueses.

Ka një urdhër nga Rama që të mos dorëzohen dokumentet e kërkuara nga pala e interesuar. Por kjo është një porosi që duhet të hidhet poshtë me guxim nga KQZ-ja. Do të dënohet çdo përpjekje për të penguar transparencën e plotë.

Ne nuk po kërkojmë asgjë tjetër veçse transparencës. Provat do t’i dorëzojmë të gjitha, duke filluar që nesër, ato që kemi do t’u dorëzohen mediave. Ata që e shndërruan në farsë do të marrin përgjigjen e merituar.

Rivotim në të gjitha bashkitë ku është marrë mandati i opozitës. Për shkak të marrjes së mandatit të opozitës ne nuk njohim zgjedhjet. Opozita ka marrë 40 % të votave dhe falë këtij manipulimi këto 40 % prodhuan vetëm 5 % të pushtetit”./ CNA.al





Lajmet e fundit nga