web counter
LEXO PA REKLAMA!

SHKARKO APP

App Store
Google Play

E fundit!

x

Balluku: Ky është 5-vjeçari i parë që qeveria po dizajnon strategjinë e zhvillimit ekonomiko-social të vendit

31 Maj 2023, 11:18, Politikë CNA

Balluku: Ky është 5-vjeçari i parë që qeveria po

Zëvendëskryeministrja Belinda Balluku mori pjesë në Konferencën “Biznes 2030”, e cila ka sjellë së bashku kompani të mirënjohura suedeze dhe shqiptare për të ndarë praktikat më të mira mbi bizneset dhe prodhimin e gjelbër të qëndrueshëm.

Gjatë fjalës së saj Balluku u shpreh se, qeveria ka për detyrë të krijojë kushtet dhe klimën e duhur, që emigrantët që duan të kthehen të investojnë në sektorë të ndryshëm.

“Është detyrë e qeverisë që t’ju krijojë juve klimën dhe kushtet e duhura për të investuar. Ka të gjithë aftësinë dhe mundësinë që të bëhet klima atraktive për të gjithë ata shqiptarë, që duan të kthehen në vendin e tyre”, tha ajo.

Ndër të tjera, tha se, fokusi i qeverisë është të krijojë një vizion pune duke hartuar strategji të reja për të orientuar ekonominë, kryesisht te fusha e inovacionit.

Balluku nënvizoi se ky është 5-vjeçari i parë, ku qeveria dhe organet e tjera në vend po dizajnojnë strategjinë e zhvillimit ekonomik dhe social të Shqipërisë.

“Qeveria shqiptare synon t’i inkurajojë investimet në sektorin privat, duke përshpejtuar rritjen këtij sektori dhe duke krijuar vende të reja pune.

Duhet të krijojmë sistem transparence për përthithjen e investimeve dhe ato të huaja. Vizoni është për një ekonomi shqiptare konkurruese e fokusuara tek inovacioni.

 Ky është 5-vjeçari i parë që qeveria, administrata publike, bizneset private, shoqëria civile po dizajnojmë strategjinë e zhvillimit ekonomik dhe social të vendit, që do të jetë udhërrëfyes për të ardhmen dhe askush nuk duhet të shpikë më rrotën, por mjafton të bazohesh në praktikat më të mirat dhe të gjitha pikëpyetjet tona marrin përgjigje”, tha Balluku./ CNA.al





Lajmet e fundit nga