web counter
LEXO PA REKLAMA!

SHKARKO APP

App Store
Google Play

Shoqërimi i Arvit Bushatit/ Xhaferri akuza policisë, thirrje Ramës

31 Maj 2023, 08:03, Politikë CNA
Shoqërimi i Arvit Bushatit/ Xhaferri akuza policisë, thirrje
Kryetari i FRPD-së, Besart Xhaferri

Kryetari i FRPD-së, Besart Xhaferri, ka reaguar pas shoqërimit të nënkryetarit të FRPD-së, Arvit Bushati.

Xhaferri e ka dënuar ashpër shoqërimin e Bushatit duke thënë se kryeministri Edi Rama po hakmerret ndaj të rinjve shkodranë që duan t’i dalin zot Shqipërisë dhe nuk u nënshtrohen parave dhe diktatit të bandave.

Kreu i FRPD-së ka akuzuar policinë e shtetit duke u shprehur se është një bandë që kërkon të terrorizojë demokratët.

Ai i ka bërë thirrje Ramës që të kontrollojë situatën në Shkodër.

“Dënoj me ashpërsinë më të madhe shoqërimin e N/Kryetarit të FRPDSH, Arvit Bushati, nga falangat e narko-policisë në Shkodër!

Edi Rama po hakmerret ndaj të rinjve Shkodranë që duan t'i dalin zot Shqipërisë dhe nuk nënshtrohen ndaj parave dhe diktatit të bandave të tija elektorale!

Policia e Shtetit përveç ndihmesës që beri ndaj bandave që terrorizuan votuesit Shkodran, është bërë de fakto dhe de jure, në kundërshtim të plotë të ligjit, një bandë që kërkon të terrorizoj të rinjtë demokratë deri në largimin e tyre nga Shqipëria!

I bëj thirrje Edi Ramës që të kontrolloj situatën që i ka dalë jasht kontrollit në Qarkun Shkodër dhe të liroj menjëherë Arvitin!

Llogaritë me Shkodrën i kanë bërë shumë gabim edhe etërit e tij kur e kanë pushtuar apo përgjakur atë!

Ne nuk do tolerojmë asnjë intimidim dhe ndalim anti-ligjor që individë të veshur me uniformën e shtetit duan të bëjnë ndaj të rinjve demokratë!”, shkruan Xhaferri./ CNA.al





Lajmet e fundit nga