web counter
LEXO PA REKLAMA!

SHKARKO APP

E fundit!

x

Paralajmërimi për rritjen e çmimit të energjisë/ Bozdo: Ky diskutim s’ka pse hapet

1 Qershor 2023, 18:32, Politikë CNA
Paralajmërimi për rritjen e çmimit të energjisë/
Anëtari i Kryesisë së PD-së, Enno Bozdo

Disa ditë më parë, kryeministri Edi Rama paralajmëroi në Parlament rritjen e çmimit të energjisë.

Për këtë deklaratë ka folur ditën e sotme anëtari i Kryesisë së PD-së, Enno Bozdo. Ai tha se tërheqja e qeverisë disa muaj më parë nga rritja e çmimit ishte një taktikë politike për shkak të afrimit të zgjedhjeve.

Anëtari i Kryesisë së PD-së pretendon se tashmë që zgjedhjet kanë mbaruar, e vetmja arsye e rritjes së çmimit është ngërçi financiar për shkak të vjedhjes dhe keqmenaxhimit.

“Është i njëjti diskutim si muaj më parë. Ishte një taktikë politike për të mos rritur çmimin asokohe për shkak se po hynim në sezon zgjedhjesh. Sot tregjet e energjisë janë normalizuar dhe mund të përballohet edhe pa rritje çmimi. Kryeministri i referohet verës, por rezervat e Shqipërisë janë në maksimum.

Fierza është në limit. Stina e verës nuk ka konsumin më të madh të energjisë, dimri ka më shumë konsum. Së fundmi kryeministri është mburrur vazhdimisht me reformën e sektorit të energjisë elektrike. Kur gjithçka shkon mirë ky diskutim s’ka pse hapet. Sipas qeverisë situata është shumë e mirë. Çmimet rriten sepse sektori është futur në ngërç financiar për shkak të keqmenaxhimit dhe vjedhjeve”, deklaroi Bozdo./ CNA.al





Lajmet e fundit nga