web counter
LEXO PA REKLAMA!

SHKARKO APP

App Store
Google Play

Kush po i shet si avokatë ndërkombëtarë ca zyra konsulence super të shtrenjta?

9 Korrik 2025, 19:32, Aktualitet CNA

Kush po i shet si avokatë ndërkombëtarë ca zyra konsulence

Sot në faqen e vet në 'Facebook', Erion Veliaj pas një titulli bombastik, me shkronja kapitale publikoi një tekst që dukej si i shkruar nga një grup avokatësh.
Avokatët ndërkombëtare të reklamuar nga Veliaj, në fakt janë 2 studio konsulence, mbase edhe të famshme, por kjo popullin e shkretë e bën thjeshtë që të imagjinojë shifrën e shërbimit që ofrohet.
Asgjë tjetër!

"Mishcon de Reya" LLP, është një kompani konsulence juridike me objekt të shërbimeve në të drejtë tregtare, zgjidhje mosmarrveshjesh, pronësi intelektuale, pasuri të paluajtshme.

Nuk ka asnjë ekspertizë në të drejtë penale dhe të paktën në objektin e veprimtarisë nuk reflekton eksperiencë në zgjidhje "konfliktesh" me prokurori as angleze, as amerikane, as ndërkombëtare.

"Kasowiz" është kompani me 350 juristë të angazhuar në shumë shtete të botës, por edhe kjo reklamohet si kompani që zgjidh konflikte te drejtash autori, me ekspertize në të drejtë tregtare, të drejtë familjare dhe marrëdhënie pune, pronësi intelektuale, faliment dhe të drejta të kreditoreve.

Asnjëra nga të dyja, (dmth 2 "avokatë" e jo shumë "avokatë"), nuk ka CV në të drejtën penale.
E duket e pamundur që nëse e paskan, po e mbajnë fshehur.
Vetëm nëse po mësojnë dorën me Erjon Veliajn e pastaj do shohin e do bëjnë. Mbase merren këtej e tutje me të arrestuar ndërkombëtarë, siç i bie se po fillon t'i pëlqejë Erjon Veliajt që ta quajnë.

Epo nëse asistohesh nga "avokatë ndërkombëtare" pak "ndërkombëtar" duhet me qenë.

Puna është se për të shkruar që nuk jane dakord që klienti i tyre të rrijë në burg, nuk ka qenë nevoja me shku aq larg. Mjaftonte Maks Haxhia! Ai për interesa të klientit te vet VIP ka treguar që ngre në këmbë gjithë avokatët penalistë kombëtarë. Ju paguan edhe drekën me qejf./CNA 





Lajmet e fundit nga