web counter
LEXO PA REKLAMA!

SHKARKO APP

App Store
Google Play

E fundit!

x

"Pjesëmarrja juaj më preku thellë"/ Papa Leo i XIV letër falënderimi Fortlumturisë së Tij, Joanit

9 Korrik 2025, 14:49, Aktualitet CNA

"Pjesëmarrja juaj më preku thellë"/ Papa Leo i XIV

Papa Leo i XIV i ka dërguar një letër falënderimi Kryepsikopit të Tiranës, Durrësit dhe gjithë Shqipërisë, Fortlumturisë së Tij, Joanit.

Në letrën e dërguar, Ati i Shenjtë shpreh mirënjohjen ndaj Fortlumturisë së Tij, për pjesëmarrjen në përurimin e tij si Papë, më 18 maj në Vatikan.

Më tej, Papa Leo i XIV, i kërkon Kryepiskopit ta ketë Atin e Shenjtë pjesë të lutjeve të tij.

Letra e Papa Leo XIV drejtuar Kryepiskopit Joan

Fortlumturisë së tij, Joanit,

Kryepiskopit të Tiranës, Durrësit dhe gjithë Shqipërisë

Këto ditë, pas përurimit të shërbesës sime si Peshkop i Romës dhe Pasardhës i Pjetrit, po ju shkruaj për t’ju shprehur mirënjohjen e thellë për afërsinë tuaj vëllazërore dhe për dashurinë që treguat kur morët pjesë, bashkë me delegacionin tuaj të nderuar, në Liturgjinë solemne në Vatikan, të dielën, më 18 maj. Pjesëmarrja juaj më preku thellë, sepse është shenjë treguese e vëllazërisë së krishterë dhe e unitetit të besimit.

Si një bashkëshërbëtor në vreshtin e Zotit, ju kërkoj me dashamirësi të vazhdoni të më mbështesni përmes lutjeve tuaja, që Perëndia i Plotfuqishëm të më forcojë t’i shërbej atij dhe popullit të tij të shenjtë. Ndërsa dëgjojmë së bashku se çfarë u thotë Shpirti i Shenjtë kishave (Zbulesa 2:7), le ta ripërtërijmë përkushtimin tonë për të nxitur unitetin ndërmjet të gjithë të krishterëve, duke iu bindur vullnetit të Zotit Jisu ( Jn. 17:21), dhe të punojmë së bashku në mënyrë më të frytshme për pajtim dhe harmoni në botën tonë të përçarë.

Me këto ndjenja, vëlla i dashur, ju përqafoj ngrohtësisht me gëzimin dhe paqen e Krishtit, Shpëtimtarit tonë.

Vatikan, 17 qershor 2025/ CNA





Lajmet e fundit nga