web counter
LEXO PA REKLAMA!

SHKARKO APP

Korreshi: Mafia shqiptare është e rrezikshme, po pastron paratë në ndërtim

7 Prill 2026, 13:43, Politikë CNA

Korreshi: Mafia shqiptare është e rrezikshme, po pastron paratë

Deputeti i Partisë Demokratike, Saimir Korreshi, tha sot se pastrimi i parave në Shqipëri është bërë si një lavatriçe e madhe, që po praktikohet të fushën e ndërtimit.

Në fjalën e tij gjatë një diskutimi në Komisionin për Çështjet Ligjore dhe Administratën Publike, Korreshi tha se një veprimtari e tillë e paligjshme po ushtrohet kryesisht nga segmente të lidhura me mafian, e që si rezultat, ka çuar në ndërtimin e kullave që shiten detri në 6 mijë euro metri.

“Pastrimi i parave është bërë një lavatriçe shumë e madhe. Nuk e themi vetëm ne si opozitë, por edhe prokurorë italianë e gjermanë. Në çdo emision jemi bërë si ajo gjyshja që tregonte përralla të shtunën. Të gjithë thonë që mafia shqiptare është shumë e rrezikshme dhe të gjithë e kanë hallin te pastrimi i parave.

6 mije euro metri në kulla, kush i merr këto kulla? Në dijeninë e të gjithëve dimë se kush po ndërton në Tiranë, një pjesë e mirë nën emra, apo problemin e lekëve me fajde. Dimë edhe kush po ndërton në jug.

Nga buron i gjitha ky lekë në ndërtim ku 95% e shqiptarëve nuk arrijnë dot të marrin një shtëpi në Lushnjë, jo më në Tiranë. Ju thoni shteti do t’ua lërë barrë bankave dhe noterëve, por ata e kanë pasur”,- tha Korreshi./CNA

 





Lajmet e fundit nga