E fundit!

22:51 Aktualitet

Biznesmeni Artur Shehu thyen heshtjen: Jam pronar i vjetër i tokës në Zvërnec, nuk i njoh fare investitorët

Biznesmeni shqiptar Artur Shehu ka folur në emisionin Opin...

"Kemi mbështetur drejtësinë me 200 milionë euro në 10 vite"/ Manja: 13.8 miliardë lekë shtesë për vitin 2026

19 Nëntor 2025, 17:10, Politikë CNA

"Kemi mbështetur drejtësinë me 200 milionë euro në

Kryetari i Komisionit të Ligjeve, Ulsi Manja në fjalën e tij në Kuvend prezantoi risitë e buxhetit të vitit 2026. Manja tha se ky buxhet ka një vlerë 823.1 miliardë lekë dhe garanton mirëqënien e qytetarëve, konsolidon financat dhe ul borxhin publik.

"Ne jemi mazhorancë dhe buxheti lidhet me vizionin tonë 2025-2030, më pëlqen opononenca por disa fjalë duhen thënë. Nëse buxheti krahasohet me vitin 2013, 394 miliardë lekë ai i vitit 2026, 823.1 miliardë lekë. Ky buxhët garantin mirëqënien e qytetarëve, konsolidon financat dhe borxhi public vjen në rënie. Buxheti është social dhe prek jëtën e qytetarëve ku mbi 40 milionë lekë shkojnë për rritjen e pagës minimale.

Do të rriten pensionet nuk do të ketë pension fshati nën 200 euro. 79.6 miliardë lekë janë investime kapitale.

Fermerërt shqiptarë përfitojnë 10% rimbursim të TVSH-së".

Manja tha se ky buxhet parashikon zero rritje taksash.

"Ky buxhet ka zero rritje taksash dhe për këtë i besoj ministrit për këtë paketë fiskale. Juve ua vret sytë falja e gjobave deri në vitin 2024, nuk është amnisti, por falje. Ua vret syrin dhe ulja me 5% e taksës për rivlerësimin e pasurive të paluajtshme.

Do të ketë rivlerësim me taksë 5% deri në dhjetor 2026", deklaroi Manja.

Ish-ministri i Drejtësisë Manja deklroi se në 10 vite qeveria shqiptare ka mbështetur reformën në drejtësi me 200 milionë euro ndërsa për vitin 2026 do të jenë 13.8 miliardë lekë shtesë.

Manja tha se KLGJ do të përfitojë 1.1 miliardë lekë më shumë, SPAK 233 milionë lekë. Risia në sistemin e drejtësisë në këtë buxhet është ofrimi i ndihmës juridike falas për shtresat në nevojë.

"2015-2025, në harkun kohor të 10 viteve kjo qeveri e ka mbështetur reformën në drejtësi 200 milionë euro.

Në vitin 2026 ka një shtesë prej 13.8 miliardë lekësh për sistemin e drejtësisë.

KLGJ, 1.1 miliardë lekë më shumë

SPAK, 233 milionë lekë më shumë

Në qershor 2026 do të mbyllet procesi i vetingut.

Ky buxhet rehabiliton edhe sistemin e burgjeve. Risia e këtij buxheti është përfitimi falas i ndihmës juridike për shtresat në nevojë.

Ne do të vijojmë të mbështesim sistemin e drejtësisë. Ky buxhet akomodon edhe pjesën e reformave në fushën e drejtësisë.

Ju ftoj ta votoni edhe pse e di që nuk do ta bëni", tha Manja./CNA