LEXO PA REKLAMA!

SHKARKO APP

Kapitenia 52-vjeçare rrëfen historinë/ Ëndrra që iu bë realitet dhe dashuria për detin

12 Prill 2023, 19:46, Aktualitet CNA
Kapitenia 52-vjeçare rrëfen historinë/ Ëndrra që iu
Kapitenia Valentina Habibaj

Valentina Habibaj është 52-vjeçarja që ka thyer tabutë dhe është bërë kapitene anijeje në Vlorë.

Valentina ka treguar se këtë profesion e nisi për shkak të bashkëshortit të saj, me të cilin kishte ëndërruar të bënte ture me barkë.

 “Ju bashkangjita pasionit të tim shoqi që gjithmonë e kishim ëndërruar këtë pjesë të kishim një barkë dhe të bënim këto ture. Unë thjesht me intuitën time dhe duke ndenjur gjithmonë pranë tij mund të them që ja vodha zanatin”, u shpreh ajo për Euronews Albania.

Kapitenia rrëfeu se gjithçka e mësoi nga bashkëshorti, i cili i kërkonte herë pas here të mbante drejtimin e anijes kur dilnin bashkë në det.

“Ka ndodhur natyrshëm, im shoq më thoshte mbaje pak timonin dhe në fillim isha pak e trembur por pastaj deti të jep një çlirim të madh. Pastaj unë u dashurova me këtë pjesë”, deklaroi Valentina Habibaj.

Përsa i përket reagimit të turistëve, ajo tha se nuk janë mësuar të shohin një kapitene femër të drejtojë një anije.

“Reagimi ka qenë pozitiv, e para kur shikonin një femër mbeteshin por pastaj gjithmonë më kanë përgëzuar më kanë thënë bravo”, u shpreh Valentina, ndërsa theksoi se pas saj në këtë profesion kanë hyrë edhe femra të tjera.

“Isha e para që vura këmbë në këtë ambient burrash dhe pastaj pashë që erdhën edhe të tjera gra dhe kjo më vjen mirë që shprehim forcën dhe intuitën tonë”, nënvizoi ajo./ CNA.al

Lajmet e fundit nga