web counter
LEXO PA REKLAMA!

SHKARKO APP

App Store
Google Play

E fundit!

x

Strategjia e shërbimit inteligjent, prioritet i qeverisë/ Balluku: Na presin një sërë sfidash

12 Prill 2023, 13:23, Aktualitet CNA
Strategjia e shërbimit inteligjent, prioritet i qeverisë/ Balluku: Na
Zëvendëskryeministrja Belinda Balluku

Zëvendëskryeministrja Belinda Balluku, gjatë konferencës “Strategjia e specializimit inteligjent në Shqipëri S3”, është shprehur se strategjia e shërbimit inteligjent do të jetë një nga prioritetet e qeverisë.

Sipas Ballukut, kjo do të sjellë një zhvillim ekonomik dhe do të krijojë frymën e bashkëpunimit me biznesin dhe fushat e tjera.

Ajo theksoi se kjo do të jetë sfida e viteve në vazhdim, për t'u përballur me tranzicionin e gjelbër dhe atë digjital.

“Strategjia e shërbimit inteligjent do të jetë një prioritet. Qeveria e ka përqafuar këtë qasje të veçantë, duke besuar se na ofron zgjidhjen për të zhvilluar ekonominë në mënyrë inteligjente dhe për të krijuar frymë bashkëpunimi me biznesin.

Pas një periudhe post-COVID asnjë shtet nuk ka qenë imun nga goditja e pandemisë. Ka ardhur momenti që nga pësimet të nxjerrim mësim duhet të rriten kapacitetet e burimeve njerëzore për të përballuar sfidat.

Tashmë kemi një sërë sfidash deri në miratimin e kësaj strategjie, por sfida më të mëdha do të vijnë pas kësaj.

Implementimi shpeshherë bëhet i pamundur se na duhet të thyejmë disa barriera. Pavarësisht se krijojmë ligje të mira nuk arrijmë dot të implementojmë.

Sot kemi një metodologji që do ta bëjë implementimin më të lehtë.

Përveç implementimit kemi të tjera sfida.

Kjo besoj se do të jetë sfida e viteve në vazhdim, për t'u përballur me tranzicionin e gjelbër dhe atë digjital.

Specializimi inteligjent është një nga pikat kryesore në agjendën e Ballkanit Perëndimor”, është shprehur Balluku./ CNA.al





Lajmet e fundit nga