web counter
LEXO PA REKLAMA!

SHKARKO APP

App Store
Google Play

Ish-prokurori: Rasti i Veliajt proceduralisht korrekt, është hetuar vepra penale

25 Mars 2025, 16:42, Politikë CNA

Ish-prokurori: Rasti i Veliajt proceduralisht korrekt, është hetuar

Në “Drejt” nga Luan Rama, ish-prokurori Eugen Beci tha se kjo është hera e parë kur SPAK është në terrenin e saj sepse ka arrestuar një zyrtar në detyrë.

Sipas Becit rasti i Veliajt është proceduralisht korrekt pasi është hetuar vepra penale sipas një kallëzimi anonim por me prova.

“Rasti konkret i persekutimit është Arben Ahmetaj ku është hetuar personi dhe jo vepra penale. Ky nuk është rasti Veliaj, sepse është procedurialisht korrekt. Është hetuar vepra penale sipas një kallëzimi anonim, por me prova. Tashmë kemi gjetur personin që dyshohet se ka kryer veprën penale. Ky është një proces tjetër që do të vazhdojë.

Pastaj do të ballafaqohen provat e prokurorisë, sepse do të përballen me variantin e Veliaj dhe avokatëve të tij. Prokuroria ka rrugën për të fuqizuar provat që ka ose për të gjetur prova të reja. Veliaj ka për detyrë që të rrëzojë provat. Jemi akoma në fazën e dyshimit për një vepër penale”, tha Beci.

Ndër të tjera ish-prokurori është shprehur se Prokuroria e Posaçme është në terrenin e saj sepse ka arrestuar një zyrtar në detyrë.

“Kjo është hera e parë kur SPAK është në terrenin e saj sepse ka arrestuar një zyrtar në detyrë. Çdo element që kishte të bënte me korrupsionin e lartë niste me Prokurorinë e përgjithshëm, ndërsa ndryshimet me Reformën në Drejtësi i kaluan SPAK-ut dhe GJKKO-së.

SPAK tashmë ka hyrë në det dhe tashmë po bën detyrën për të cilën është krijuar. Nuk po flasim për kryetar bashkie që nuk e kanë rëndësinë e Veliajt. Kryetari i bashkisë së Tiranës shihej si njeriu që mund të kapte edhe postin e kryeministrit. Prandaj fakti që ai nuk është një ish e konfirmon autoritetin e SPAK-ut”, shtoi ish-prokurori./ CNA





Lajmet e fundit nga