web counter
LEXO PA REKLAMA!

SHKARKO APP

App Store
Google Play

E fundit!

x

"I kam hyrë detit në këmbë për Elbasanin"/ Boçi: Jemi misionar, duam votën e lirë

20 Janar 2023, 19:18, Politikë CNA

"I kam hyrë detit në këmbë për Elbasanin"/

Në ceremoninë e zhvilluar për 32-vjetorin e themelimit të Partisë Demokratike në Elbasan, deputeti i Partisë Demokratike, Luçiano Boçi ka  shprehur mirënjohjen për themeluesit e saj.

Boçi tha se ai ka punuar fortë për t’i rikthyer shkëlqimin Elbasanit dhe se PD-ja do të mbetet përherë misionare e votës së lirë.

“Në këtë vend ka shpresë. Besimi është vendosur, prandaj sot jemi kaq shumë dhe jo më kot përulemi me respekt para themeluesve. Ata që e sollën mes nesh ishin humanistë të pa shoq. Kjo nuk na pengon t’i nderojmë ata për atë vepër që kanë sjellë mes nesh.

Themeluesit e Partisë Demokratike ndryshuan historinë duke sjellë shembullin e kurajës dhe angazhimit për të ngjallur vlerat e denja të ekzistencës njerëzore. PD projektoi një të ardhme të vërtetë ku secili prej nesh ka dashur të ketë vendin e vet. Jemi misionarë sepse e duam votën e lirë. E dashurojmë demokracinë, e adhurojmë Shqipërinë dhe atdheun.

Personalisht jam një prej anëtarëve të PD dhe si misionar i kam hyrë detit në këmbë për të kthyer Elbasanin në shkëlqimin e tij. Kandidimi im nuk është thjesht sfida ime politike. Nuk është vetëm lufta ime personale. Është beteja e çdo qytetari sot. E çdo anëtari të opozitës dhe Partisë së Lirisë. Për të çuar deri në fund qëllimin për të cilin u krijua Partia Demokratike. Të lëmë mënjanë mëritë dhe interesat e ngushta për t’i dhënë dritë bashkëpunimit për një PD të suksesit dhe fitoreve. Për një PD të bashkuar”, tha ai./ CNA.al

 





Lajmet e fundit nga